གསུང་མགུར 1 - Tibetan Old Testament 2011

མདོ་དང་པོ། གསུང་མགུར ༡—༤༡ དགའ་བདེ་ངོ་མ།

¹ ངན་པའི་གྲོས་ལ་མི་ཉན་ཞིང་། སྡིག་ཅན་དཔེ་རུ་མི་འབྲངས་བའམ། དཀོན་མཆོག་ངོས་འཛིན་མི་ཞུ་མཁན་རྣམས་ཀྱི། ཁོངས་སུ་མི་གཏོགས་པ་རྣམས་བདེའོ།

² དེའི་ཚབ་དེ་ཚོ་གཙོ་བོ་དཀོན་མཆོག་གི། བཀའ་ཁྲིམས་རྣམས་ཉན་བར་ཡི་རང་ཤིང་། ཉིན་མཚན་མེད་པར་དེ་ཚོས་དེ་སློབ་སྦྱོང་བྱེད་དོ།

³ དེ་ཚོ་གཙང་ཚུའི་འགྲམ་གྱི་སྐྱེ་ཤིང་འདྲ། དེ་ལ་དུས་སུ་འབྲས་བུ་སྨིན། དེ་ཡི་ལོ་བདབ་མི་རྙིད་པར། དེ་ཚོའི་ལས་དོན་ཡོངས་སུ་འགྲུབ།

⁴ འོན་ཀྱང་མི་ངན་དེ་ཚོ་ཙ་བ་ནས་དེ་ལྟར་མིན། དེ་དག་རླུང་གིས་འཁྱེར་བའི་སོག་མ་དང་མཚུངས།

⁵ སྡིག་ཅན་རྣམས་ལ་དཀོན་མཆོག་གིས། ཞལ་ཆེ་གཅོད་པར་མཛད་གནང་ཞིང་། ཉིད་ཀྱི་མི་འབངས་ཁོངས་གཏོགས་ནས། དེ་དག་ཡོངས་སུ་ཕྱིར་སྐྲོད་མཛད།

⁶ གཙོ་བོ་དཀོན་མཆོག་ཁོང་གིས་དྲང་བདེན་ཚོར། དབུ་ཁྲིད་དང་ནི་སྲུང་སྐྱོབས་མཛད་གནང་ངོ་། འོན་ཀྱང་མི་ངན་རྣམས་ནི་མཐའ་མར་འཇིགས་འགྱུར༎