ཡེར་མི་ཡཱ 2 - Tibetan Old Testament 2011

དཀོན་མཆོག་གིས་ཨིསི་རཱཨེལ་ལ་ཐུགས་འཁུར།

¹ གཙོ་བོ་དཀོན་མཆོག་ཁོང་གིས་ང་ལ་བཀའ་གནང་བ།

² ཡེ་རུ་ཤ་ལེམ་ནང་གི་ཡོངས་རྫོགས་ལ་གསུང་འཕྲིན་འདི་ཁྱབ་སྒྲགས་བྱ་དགོས་སོ། ཁྱོད་ནི་གཞོན་དུས་དམ་ལྡན་ཇི་ང་ཡི་དྲན། ཐོག་མར་ཆང་ས་རྒྱབས་པའི་སྐབས་སུ་ཁྱོད་ངར་ཇི་འདྲ་བརྩེ། བྱེ་ཐང་དང་ཞིང་མི་འདེབས་པའི་ཡུལ་རྒྱུད། ཁྱོད་ཀྱིས་ང་ཡི་རྗེས་སུ་འཇུག།

³ ཨིསི་རཱཨེལ་ཁྱོད་ནི་ང་ཡི་གཅིག་པུ་ཡིན། ཁྱོད་ནི་ང་ཡི་རྩ་ཆེ་བདག་ཏུ་བཟུང་བ་ཡིས། ང་ཡིས་ཁྱོད་ཚོར་གནོད་འཚེ་བྱ་མཁན་ཚང་མར། སྡུག་བསྔལ་དང་ནི་རྐྱེན་ངན་གཏོང་བ་ཡིན། གཙོ་བོ་དཀོན་མཆོག་ང་ཡིས་སྨྲས་པ་ཡིན༎

ཨིསི་རཱཨེལ་གྱི་ཕ་མེས་ཚོའི་སྡིག་པ།

⁴ ཁྱོད་ཚོ་ཨིསི་རཱཨེལ་པ་ཡི་སྡེ་རིགས་རྣམས། ཡ་ཀོབ་རིགས་བརྒྱུད་ཡིན་པ་ཡོངས་རྫོགས་ལ། གཙོ་བོ་དཀོན་མཆོག་བཀའ་ལ་འདིར་ཉོན་ཞིག།

⁵ གཙོ་བོ་དཀོན་མཆོག་ཁོང་གིས་གསུངས་པ། ཁྱོད་ཚོའི་མེས་པོས་ངའི་རྒྱབ་འགལ་དུ་ཉེས་སྐྱོན་ཅི་འཁྱེར་ཡོང་ངམ། དེ་ཚོ་ཅི་ཕྱིར་ང་ལས་ཁ་བསྒྱུར་བ་ཡིན་ནམ། དེ་ཚོས་ཕན་མེད་སྐུ་འདྲར་མཆོད་པས་ན། དེ་ཚོ་སོ་སོ་ཡང་ནི་ཕན་མེད་འགྱུར།

⁶ ང་ཡི་དེ་ཚོར་ཨི་ཇིབ་ཡུལ་ནས་སྐྱོབས། མི་མད་ལུང་སྟོང་དང་བྱེ་ཐང་དང་ནི་བྱེ་མའི་རི་རྣམས་ཡོད་པའི་གནས། མི་ནི་སུ་ཡང་མི་སྡོད་པ་དང་སུ་ཡང་འགྲོད་མི་བྱ་བའི་ས་སྐམ་དང་ཉན་ཅན་ཡུལ་བརྒྱུད་ནས་ང་ཡི་དེ་ཚོ་སྣེ་འཁྲིད་བྱས། འོན་ཀྱང་དེ་ཚོས་ང་ལ་བརྩི་མི་བྱེད།

⁷ སྟོན་ཐོག་བཟང་རིགས་བེད་སྤྱོད་བྱེད་པའི་ཕྱིར། ང་ཡི་དེ་ཚོ་ས་ལུད་འཛོམས་སར་འཁྲིད། འོན་ཀྱང་དེ་ཚོས་ངའི་ཡུལ་མེད་པར་བཟོས། ང་ཡི་སྤྲད་པའི་ཡུལ་དེ་བཙོག་པ་བཟོས།

⁸ བླ་མ་རྣམས་ཀྱི་གཙོ་བོ་དཀོན་མཆོག་ནི། གང་ན་བཞུགས་ཤེས་འདྲི་བར་མི་བྱའོ། བླ་མ་ཉིད་ཀྱི་ང་ལ་ངོ་མི་ཤེས། སྲིད་སྐྱོང་རྣམས་ཀྱིས་ང་ལ་ངོ་ལོག་བྱས། ལུང་སྟོན་པ་ཡིས་བྷལ་མིང་ནས་སྨྲ། དེ་ཚོས་ཕན་མེད་འདྲ་སྐུར་མཆོད་པར་བྱེད༎

གཙོ་བོ་དཀོན་མཆོག་གི་ཁོང་གི་མི་མང་གི་ཐོག་ཏུ་ཁ་མཆུ།

⁹ དེ་བས་ང་ནི་གཙོ་བོ་དཀོན་མཆོག་གིས། སླར་ཡང་ང་ཡི་མི་མང་ཐོག་ཏུ་ཁ་མཆུ་སྨྲ་རྒྱུ་ཡིན། ང་ཡིས་དེ་ཚོའི་རིགས་ལ་འགལ་སྐྱོན་འདོན།

¹⁰ ནུབ་ཏུ་ས་ཡི་པེརེསེ་གླིང་ཕྲན་ལ་སོང་ཤིག། ཤར་ཕྱོགས་ཀེ་དར་ཡུལ་དུ་མི་ཞིག་གཏོང་། དེ་ལྟར་སྔོན་དུ་མ་བྱུང་བ་ཞིག་ཁྱོད་ཀྱིས་མཐོང་།

¹¹ མི་རིགས་གཞན་སུས་རང་གི་ལྷ་རྣམས་ལ། ངོ་མིན་ཀྱང་རྗེད་པར་བྱས་མེད་དོ། འོན་ཀྱང་ང་ཡི་ཆེ་མཐོང་བྱིན་པའི་མིས། དེ་ཚོར་ཅི་ཡང་བྱེད་མི་ཐུབ་པ་ཡིས། ལྷ་ཚོ་མཉམ་དུ་ང་ལ་བརྗེ་པོ་རྒྱབ།

¹² ཧང་སང་བ་དང་ངོ་མཚར་སྐྱེས་པའི་ཕྱིར། ང་ཡིས་ནམ་མཁར་འཇིགས་སྐྲག་ཆེན་པོའི་ངང་། གཡོ་འགུལ་བྱས་པའི་བཀའ་ཚིག་བཏང་བ་ཡིན།

¹³ གང་ལགས་ཟེར་ན་ང་ཡི་མི་མང་སྡིག་པ་གཉིས་བགྱིས་ཡོད། ང་ནི་གསོས་པའི་ཆུ་རྫིང་དེ་ནས་དེ་ཚོ་ཁ་འགྱུར་ཡོད། ཆུ་རྣམས་རྩ་བ་ཉིད་ནས་མི་གནས་པའི། ཁྲོན་པ་གས་ཆགས་ཅན་ཁག་བྲུས་ཡོད་དོ།།

ཨིསི་རཱཨེལ་གྱི་དམ་ཚིག་མི་གཙང་བའི་འབྲས་བུ།

¹⁴ ཨིསི་རཱཨེལ་ནི་ཚེ་གཡོག་ཡིན་ནམ། ཁོ་ནི་ཚེ་གཡོག་ནང་ལ་སྐྱེས་པ་མིན། ཁོ་ལ་དགྲ་བོས་ཅིའི་ཕྱིར་རྒོལ་ནས་འཁྱེར་ཕྱིན་ནོ།

¹⁵ དེ་ཚོས་ཁོ་ལ་སེང་གེའི་ངར་སྐད་སྒྲོགས། དེ་ཚོས་ཁོ་ཡི་ས་ཆ་བྱེ་ཐང་བཟོས། ཁོ་ཡི་གྲོང་ཁྱེར་རྣམས་གྱང་གོག་བཟོས་པ་དང་ཆ་ཚང་སྤངས་ཡོད།

¹⁶ མེམ་ཕིསི་དང་ཏ་ཕན་ཧེསེ་ཀྱི་མིས། ཁོ་ཡི་ཐོད་པར་དེ་བཞིན་གས་ཆགས་བཏང་།

¹⁷ ང་ནི་ཁྱོད་ཚོའི་གཙོ་བོ་དཀོན་མཆོག་གིས། ཁྱོད་ནི་ལམ་ནས་འཁྲིད་པའི་དུས་སྐབས་དེར། ཁྱོད་ཀྱིས་ང་ལ་སྤངས་བ་ཡིན་པས། ཨིསི་རཱཨེལ་ཁྱོད་ཀྱིས་རང་ཉིད་ཐོག་ཏུ་དེ་འཁྱེར་ཡོང་ངོ།

¹⁸ ཁྱོད་ཀྱིས་ཨི་ཇིབ་ཡུལ་གྱི་ན་ཨེལ་ཆུ། འཐུང་བར་ཕྱིན་ནས་ཁྱོད་ལ་ཅི་ཐོབ་བསམ། ཁྱོད་ཀྱིས་ཨ་སུར་དུ་ཡུབ་རད་ཆུ། འཐུང་བར་ཕྱིན་ནས་ཁྱོད་ལ་ཅི་ཐོབ་བསམ།

¹⁹ ཁྱོད་ཀྱི་ལས་ངན་ཁྱོད་ལ་ཉེས་ཆད་གཏོང་། ཁྱོད་ཀྱིས་ང་ལ་སྤངས་བས་ཁྱོད་ལ་སྐྱོན་མཛོད་གྱིས། ང་ནི་ཁྱོད་ཀྱི་གཙོ་བོ་དཀོན་མཆོག་ལ། སྤངས་ནས་དམ་ཚིག་ཅན་དུ་མི་གནས་པར། སྡུག་རྩུབ་དང་ནི་སྐྱོན་ཅན་ཇི་ཡིན་རྟོགས། ང་བླ་ན་མེད་པའི་གཙོ་བོ་དཀོན་མཆོག་ངས། ཀུན་དབང་ཅན་དང་ལྡན་པས་སྨྲས་པ་ཡིན༎

ཨིསི་རཱཨེལ་གྱིས་གཙོ་བོ་དཀོན་མཆོག་ལ་མཆོད་རྒྱུར་ཁས་ལེན་མ་བྱས་པ།

²⁰ བླ་ན་མེད་པའི་གཙོ་བོས་བཀའ་གནང་བ། ཡུན་རིང་སྔོན་ནས་ཨིསི་རཱཨེལ་ཁྱོད་ཀྱིས། ང་ཡི་དབང་ཆའི་ཚད་ལ་བརྩི་མེད་བྱས། ཁྱོད་ཀྱིས་ང་ཡི་བཀའ་ལ་ཉན་རྒྱུ་དང་། ང་ལ་མཆོད་རྒྱུར་ཁས་ལེན་བྱས་མེད་དོ། ཁྱོད་ཀྱིས་རི་བོ་མཐོ་པོ་ཚང་མའི་སྟེང་། ཤིང་སྡོང་ལྗང་ཁུ་ཚང་མ་ཡི་འོག་ཏུ། ས་ལུད་འཛོམས་པོའི་ལྷ་ཚོར་ཁྱོད་ཀྱིས་མཆོད་ཡོད།

²¹ ངས་ཁྱོད་ཤིན་ཏུ་ལེགས་ཤོས་སོན་ངང་ནས། འདམས་པའི་རྒུན་ཤིང་བཞིན་དུ་བཙུག་ཡོད་དོ། འོན་ཀྱང་ཁྱོད་ནི་ཇི་ལྟར་འགྱུར་ལ་ལྟོས། ཁྱོད་ནི་རུལ་བའི་ཕན་མེད་རྒུན་ཤིང་ལྟར།

²² ཡི་རྩེ་ནུས་པ་ཆེ་ཤོས་ཁྱོད་འཁྲུད་ཀྱང་། ང་ཡིས་ཁྱོད་ཀྱི་ཉེས་སྐྱོན་བཙོག་པ་མཐོང་།

²³ ཁྱོད་ནི་རང་ལ་གྲིབ་ཅན་བཟོས་མེད་ཇི་ལྟར་བརྗོད། བྷལ་ལ་མཆོད་མེད་ཇི་ལྟར་བརྗོད། ལུང་གཤོང་ནང་དུ་སྡིག་པ་ཇི་གྱིས་ལྟོས། ཁྱོད་ཀྱིས་ཇི་ལྟར་བྱས་པར་ལྟོས་ཤིག་དང་། ཁྱོད་ནི་འདོད་ཆགས་ཅན་ནགས་གི་རྔ་མོང་རྒོད་པོ་ལྟར། བདག་མེད་ཕར་ཚུར་གང་བྱུང་མང་བྱུང་རྒྱུགས།

²⁴ བྱེ་ཐང་ནང་དུ་བྲེལ་ཟིང་བྱེད་ཅིང་རྒྱུགས། མོ་ལ་ཆགས་པ་ཡོད་སྐབས་སུས་དབང་བསྒྱུར། ཕོ་མོ་འདོད་མཁན་རང་ཉིད་དཀའ་ལས་རྒྱབ་མི་དགོས། མོ་ལ་རྟག་ཏུ་ཆགས་སྤྱོད་སྐབས་རྙེད་འགྱུར།

²⁵ ཀྱེ་ཨིསི་རཱཨེལ་ལྷ་གཞན་གྱི་རྗེས་སུ་འབྲངས་ནས། རང་གི་རྐང་པ་སྣ་མ་བཅུག། ཡང་ན་རང་གི་མིག་པ་སྐམ་དུ་མ་འཇུག་ཅིག། འོན་ཀྱང་ཁྱོད་ཀྱིས་བརྗོད་གསལ་དེ་ལྟར་མིན། ང་ནི་ཕྱིར་ལོག་ཐུབ་པ་རྩ་ནས་མེད། ང་ནི་ཕྱི་རྒྱལ་ལྷ་ལ་དགའ་བའི་རྐྱེན། ང་ནི་དེ་ཚོའི་རྗེས་སུ་འབྲངས་ཀྱི་ཡིན༎

ཨིསི་རཱཨེལ་ལ་ཉེས་ཆད་ཕོག་འོས་པ།

²⁶ གཙོ་བོ་དཀོན་མཆོག་ཁོང་གིས་བཀའ་གནང་བ། རྐུན་མ་ཞིག་བཟུང་བའི་རྗེས་ལ་ངོ་ཚ་པོ་བྱུང་བ་ལྟར། ཨིསི་རཱཨེལ་གྱི་མི་མང་དང་ཁྱོད་ཚོའི་རྒྱལ་པོ་ཚོ་དང་ལས་བྱེད་པ་ཚོ་དང་ལུང་སྟོན་པ་ཚོ་དང་བཅས་པར་ངོ་ཚ་བྱུང་བར་འགྱུར་རོ།

²⁷ ཤིང་སྡོང་ནི་ཕ་དང་བྲག་ནི་མ་ཡིན་བརྗོད་མཁན་ཁྱོད་ཚོ་ཚང་མ་དམའ་འབེབས་བྱུང་བར་འགྱུར། ཁྱོད་ཀྱིས་ངའི་ཕྱོགས་སུ་ཡོང་རྒྱུའི་ཚབ་ལ་ང་ལ་རྒྱབ་བསྒྱུར་བའི་རྐྱེན་གྱིས་དེ་ལྟར་ཡོང་བར་འགྱུར། འོན་ཀྱང་ཁྱོད་དཀའ་ངལ་ནང་ཡོད་སྐབས་སུ་ཁྱོད་ཀྱིས་ང་ཡོང་ནས་སྐྱོབས་པའི་འབོད་བསྐུལ་བྱེད་དོ།

²⁸ ཁྱོད་རང་ཚོའི་ཆེད་དུ་བཟོས་པའི་ལྷ་རྣམས་གང་དུ་ཡོད་དམ། དེ་ཚོ་ལ་སྐྱོབས་པའི་ནུས་པ་ཡོད་ན་ཁྱོད་ལ་དཀའ་ངལ་ཡོད་སྐབས་དེ་ཚོར་སྐྱོབས་སུ་འཇུག་ཅིག ཀྱེ་ཡ་ཧུ་དཱ་ཁྱོད་ལ་གྲོང་ཁྱེར་མང་པོ་ཡོད་པ་ལྟར་ལྷ་ཡང་མང་པོ་ཡོད་དོ།

²⁹ ཁྱོད་ཀྱི་སྐྱོན་བརྗོད་དེ་ཅི་ཡིན་ནམ། ཁྱོད་ཀྱིས་ང་ལ་ཅིའི་ཕྱིར་ངོ་ལོག་བྱས་སམ།

³⁰ ངས་ཁྱོད་ལ་ཉེས་ཆད་བཏང་ཡོད། འོན་ཀྱང་དེ་ནི་ལེགས་པ་མ་ཡིན་ནོ། ཁྱོད་ཀྱི་ང་ལ་སྐྱོན་སེལ་བྱེད་དུ་མ་འཇུག་གོ། ཤིན་ཏུ་ཁྲོ་བའི་སེང་གེ་ལྟར་ཁྱོད་ཀྱིས་ལུང་སྟོན་པ་ཚོར་བསད་དོ།

³¹ ཨིསི་རཱཨེལ་གྱི་མི་མང་ཚོ་ངས་ཇི་ལྟར་བཤད་པར་ཉོན་ཞིག ང་ཁྱོད་ཚོའི་ཆེད་དུ་བྱེད་ཐང་ལྟར། ཡུལ་མུན་ནག་ཉེས་ཅན་བཞིན་བྱུང་ཡོད་དམ། དེ་བས་ན་ཅིའི་ཕྱིར་ཁྱོད་ཀྱིས་འདོད་པ་ལྟར་བྱེད་པ་དང་། ངའི་ཕྱོགས་སུ་བློ་ཁ་བསྒྱུར་བར་མི་བྱེད་ཅེས་ཟེར་རོ།

³² བུད་མེད་ན་ཆུང་ཞིག་གིས་རང་གི་རྒྱན་ཆ་དང་། བག་མ་ཞིག་གིས་རང་གི་བག་གོས་བརྗེད་ཐུབ་བམ། འོན་ཀྱང་ངའི་མི་མང་ཚོའི་གྲངས་རྩིས་ཐུབ་པའི་ཉིན་གྲངས་ལས་ལྷག་པའི་རིང་ང་ལ་བརྗེད་ཡོད་དོ།

³³ ཁྱོད་ཀྱིས་སྙིང་སྡུག་ཇི་ལྟར་དེད་རྒྱུ་ཏན་ཏན་ཤེས་སོ། དེ་ལྟར་བུད་མེད་ངན་ཤོས་ཀྱིས་ཀྱང་ཁྱོད་ལས་སྦྱངས་སོ།

³⁴ ཁྱོད་ཀྱི་གོས་རྣམས་ཇག་པའི་ཁྲག་མིན་པར་དབུལ་པོ་དང་ཉེས་མེད་ཚོའི་ཁྲག་ཐིག་རྒྱབ་ཡོད་དོ། འོན་ཀྱང་དེ་ལྟར་ཡོད་བཞིན་དུ།

³⁵ ཁྱོད་ཀྱིས་སྨྲས་པ་། ང་སྣོང་མེད་ཡིན་པས་ངེས་པར་གཙོ་བོ་དཀོན་མཆོག་ང་མཉམ་དུ་ཁྲོ་མེད་དོ། འོན་ཀྱང་ང་གཙོ་བོ་དཀོན་མཆོག་གིས། ཁྱོད་ལ་ཉེས་ཆད་གཏོང་རྒྱུ་ཡིན་ནོ། གང་ལ་ཟེར་ན། ཁྱོད་ཀྱིས་སྡིག་པ་གྱིས་པར་ངོས་ལེན་གྱིས་མེད་དོ།

³⁶ ཁྱོད་རྒྱལ་ཁབ་གཞན་གྱི་ལྷ་ཚོའི་ཕྱོགས་སུ་སོང་ནས་ཁྱོད་རང་རང་ཉིད་དམར་རུ་བཏང་ཡོད་དོ། ཨ་སུར་གྱིས་བྱེད་པ་ལྟར་ཨི་ཇིབ་ཀྱིས་ཁྱོད་བློ་ཕམ་བཟོའོ།

³⁷ ཁྱོད་ངོ་ཚས་མགོ་སྒུར་ནས་ཨི་ཇིབ་ནས་ཕྱིར་ལོག་པར་འགྱུར། ཁྱོད་ཀྱིས་བློས་འགེལ་བྱས་པ་དེ་ལ་ང་གཙོ་བོ་དཀོན་མཆོག་གིས་ཁས་ལེན་མི་བྱེད་དོ། ཁྱོད་ལ་དེ་ཚོ་ལས་ཕན་ཐོག་གང་ཡང་མི་ཡོང་ངོ་༎