Zhuda 1 - Takwane

Madhu oolojela

¹ Wa owiithaniwa, ale Mulugu Baba enaadhiveliiye ekameeliwaga ni Yesu Kirixtu. Di miyo Zhuda, mwiimeleli a Yesu Kirixtu, ddibila a Tiyago.

² Mulugu oweenjedhedheni thagaraga, murenddele ni odhivela.

Owaraaliha mwaha wa anamasuuziha ooratha

³ Akwaaga oodhivela, gahikathamiheya vajinji voofuna wuulebelani odheela ovulumusiwa winniihuna muumohini, gihiiwaddihedha wuulebelani wi muwaraale ni owana koddo odheela nroromelo Mulugu naavahiliiye kuluwi mulogo waaye woweela.

⁴ Ebaribari athu ehinamuriiha Mulugu, ehivolowa munikuruni neehu mowiipiteya. Aliwa enathukula mutheenga wa mahala a Mulugu eehu wi ekuneelegena dhifunelo dha mwiili dheewa, vano omukooddaga Yesu Kirixtu, Mwiinya ni Nabwiya eehu. Wale Maleba Ootaleleya yahiwaraaliha wi athu abure ala, yeere othongiwa.

⁵ Naari muganonileve dhaatedhene dhedhi, ginafuna guwuubusedheni wi Nabwiya ahivulumusa nlogo na Ezarayeli waavenyiha wEgubuddu, mbwenye ahaatolosa ale yahamuroromele.

⁶ Mwawuubuwelelege angero ale yahaakwanihile makalelo eewa owambeela, yahihiya murudda weewa, aliwa efugeliwe wiipipini, waamaga ni fingwi dhahinatapuleya, ofiyedha Nlabo Nuulubale na othongiwa.

⁷ Muubuwelelege dheereyile oSoddoma ni Gomora, ni maluwa owaaddamela, aliwa yeerile wona angero ale yaharile mookwaranya dha mararuwo dhafuna mwiili. Eheliwe wi ekale etoonyihedho, yoonaga goyi omunddoni woohumala.

⁸ Athu ayo evolowile munikuruni mweenyu, eneedda ni mukalelo mmohive eharaga dhooroha dheewa, dhitakalihaga thima ya mwiili, enokoodda othongi wa Mulugu, yaanyemulaga oothithimiheya a odhulu.

⁹ Naari Migeli, musogoleli a angero, keerilena ndo, akanganaga ni Sathana mwaha woothukula muruthu wa Mozezi, oliye kaaxixile omwaakula Sathana ni madhu oomunyemula, mbwenye eerile ayi: <>

¹⁰ Athu ayo enonyemula dhaatedhene dhihinoniliisu; dhinoniliisu sootaduwa wona aneenyama ehinanonelamo, sineeriisuna, dhedho sinaapahula.

¹¹ Aliwa booddilu! Enahara dila ya Kayini. Ehiipeleka muuthegani mwa Balaamu, esayelaga mpurelo wa korowa, enotolosiwa wona dheerile Kora ni ale yannigiiyena.

¹² Aliwa enotakaliha mitugumano dheenyu vinagumaniinyu wi mujevo mathanga owaandana, enoja vamohi ni nyoovo ehikalagana manyazo. Amakambuzi eneekameela weekiiwa; enakalahi mirabo dhihinamurubwiha muzongwe, dhineeddihiwa ni pevo; dhili wona mithanko dhihinavaha vansakani viwa, dhadduleye dhikwa-kuluwi.

¹³ Eli wona kuluzi yowuuba ya munyaza, enakuthulela ode nipweru nookaliha manyazo eewa; enaligana ni ttendderi dhooholowa, ala Mulugu ohaalogolelela mburo wooddiiha wiipipini.

¹⁴ Enoki, oli nikolo a neetanu ni abiili wambeela wa Adamu, ahaavuwihela mutheenga wa Mulugu aliwa, wiira: <

¹⁵ wi aathonge athu aatene, aakone anambure aatene mwa dhowiira dheewa dhaatedhene dhootakala dheeriisuna teto ni dhooruwana dhaatedhene anamathega abure dhamwiireliisu Mulugu>>.

¹⁶ Athu ala anamaaba, boohudhiveliwa. Eharihaga obure winniisuna, ewogaga dhoodhiviha wa athu wi yiirege bowaakwanela esayelaga opura weewa.

Owaraalihiwa okala a ntidi

¹⁷ Mowindo, akwaaga oodhivela, muubuwelelege dhaaddeliwiinyu ni arumiwi a Nabwiya eehu Yesu Kirixtu.

¹⁸ Aliwa yahuwaaddelani wi: <>.

¹⁹ Baayene enatatamula ogawanyeya, enahara dhifunelo dha mwiili dheewa, Muneba wa Mulugu kuli mwa aliwa.

²⁰ Vano nyoovo akwaaga oodhivela, munnuwege munroromeloni mweenyu, nili noweelesesa, mulobelege moosogoleliwa ni Muneba Woweela.

²¹ Kalanive oweedda moodhivela wa Mulugu, mujejihaga wi thagaraga dha Nabwiya Yesu Kirixtu, dhuuthukuleleni mwiigumini yoohumala.

²² Mwaweeddiwelege thagaraga ooyeva nroromelo;

²³ wa amohi, mwaavulumusege, mwawaapule vamunddoni; mwaweeddiwele thagaraga amohi ni mukalelo wowoovelela, mwiiddane ni dhoowara dhiwa-dhene dhivalihiwe obure wa mwiili dheewa.

Omuthithimiha Mulugu

²⁴ Mulugu onowaanda wuurabelihani wi muhumore, mwafiye vameentoni va nthithimihoni naaye, mwihinna yoohaleela, ni ohagalala wuulubale.

²⁵ Wa Mulugu mmohi, Mvulumusi eehu, okale nthithimiho, oriiheya, Omwene ni othongi odheela Yesu Kirixtu, Nabwiya eehu, wambeela mudhidhi dhaatedhene, dhiinova, okala ni okala. Ameni.