Luka 1 - Takwane

Madhu ovolowana

¹ Wa Tiyofilu ooriiheya, athu ajinjeene yahisayela osasanyedha bili ya dhego dheereyile vaari va hiyo.

² Aliwa yahileba dhedho dhaaddeliwiisu ni athu yoonile vameentoni okuma omambeelelo, olaleyaga.

³ Miyo goosayela-sayela dhego dhaatedhene dhedhi moohariha pama, okuma omambeelelo guhuubuwelela teto wi giire wuulebela we Tiyofilu dhowiireya nda moosasanyedha pama.

⁴ Gihiirana dhedho wi munone wi dhisuuziliinyu seebaribari.

Obaliwa wa Zhuwawu Namabathiza wahivuhuleliwa

⁵ Mudhidhi oyene Heroddi, agali mwene a oZhudeya, wahikala namakutha, ndina naaye eeriwa Zakariya. Aali a nikuru na anamakutha a Abiya. Mwihiyanaaye eeriwa Ezabeli, aali a nihimo na Aroni.

⁶ Aabiileene yaali owogoowa mirima vameentoni va Mulugu, yoohariha mowaakwanela malamulo ni magano a Nabwiya.

⁷ Kayanna mwaana, vowi Ezabeli kaabala. Aabiileene yaali owululeene.

⁸ Nlabo nimohi Zakariya ahiddaga mabasa aaye oonamakutha vameentoni va Mulugu. Waali mudhidhi wa nikuru naaye na onamakutha nowiimelela,

⁹ mooharihedha mukalelo weewa wa onamakutha, ahimoreliwa gari moosakuliwa ovolowa mburo woweela wa Nabwiya wi apahe libani na mukutho.

¹⁰ Mudhidhi oyene, athu aatene yakala ode olobelaga.

¹¹ Mungero a Nabwiya ahidha vowambeela, wiimela omoononi wooja wiibuwani wapahiwa dhoonukwela dha mukutho.

¹² Zakariya agamoonile ahirurumuwaga ni woova.

¹³ Mungero ahimwiirelaga: <

¹⁴ Oliye onaakale ohagalala ni oteyela wa we, ajinji eneere odhiveliwa ni obaliwa waaye.

¹⁵ Vowi oliye onaakale mulubale vameentoni va Nabwiya. Kadha ang'wa yoong'wa yoolezeliha, onaakale oodhaaliwa ni Muneba Woweela, naari ahinabaliwe.

¹⁶ Onodha aatthwaruse amwaana Ezarayeli ajinjeene wa Nabwiya Mulugu aaye.

¹⁷ Vano oneere okala vasogolo va Nabwiya mmunebani ni kopolo dha Eliyazi wi atthwaruse mirima dha ababiinya wa aniiwa, aatthwaruse avuruvuru wi ekanne nthakwithakwi na athu ooharihamo, aasasanyedhe athu wa Nabwiya nlogo nooharihamo>>.

¹⁸ Nuwindo, Zakariya ahimukoha mungero, wiira: <>

¹⁹ Mungero ahimwaakulaga, wiira: <

²⁰ Woone vowi kuroromele madhu aaga, oneere okala oohuwoga ofiyedha nlabo nenddo dhineereye nda>>.

²¹ Athu yoomujejihaga Zakariya, etikinaga ni mwaha wooribeliwa mu nyuba ya Mulugu.

²² Agakumile kaakwanihile waawogana. Aliwa ononelamo wi ohooneyeliwa omburoni woweela. Zakariya awoga ni madada, baahi. Kaanda okumiha madhu.

²³ Dhahipadduwa egaakwanile malabo a mabasa aaye ahiwelela vaade.

²⁴ Nuwindo, egavirile malabo ayene Ezabeli ahikanna wari, ofiyedha mweeri mitanu kaavenya vaade.

²⁵ Ezabeli ahiiraga: <>.

Obaliwa wa Yesu wahivuhuleliwa

²⁶ Vigavirile mweeri mitanu na mmohi Ezabeli aganna wari, mungero Gabiriyeli ahirumiwa ni Mulugu murudda wa elabo ya oGalileya nluwa na oNazarethi. Wewo wadhowiliiye omfwanya namwali, eeriwa Mariya.

²⁷ Oyene ahaamunonile mulobwana. Athomeliwe ni mulobwana, eeriwa Zhuuze, aali a nlogo na mwene Davidi.

²⁸ Mungero agafiyile, ahimulojelaga, wiira: <>.

²⁹ Mariya ageewile ahisimwelaga vajinjivene, wuubuwelaga, eeraga: <>

³⁰ Mungero ole omwiirela: <

³¹ Oneere okalana wari. Onombala mwaana-pongwe, oyene oneere omuthwa ndina na Yesu.

³² Onaakale mulubale, akopolo. Oneethaniwege Mwaana a Mudhulu-dhulu. Nabwiya Mulugu oneere omvaha othonga wa babe Davidi.

³³ Oneerege othonga nlogo na Yakobo okala ni okala. Omwene waaye kudha omala>>.

³⁴ Mariya ahiwogaga, wiira: <>

³⁵ Mungero ahimwaakula, wiira: <

³⁶ Woone, mmudhi aawo Ezabeli nuliyeene ohukanna wari. Onomujejiha mwaana-pongwe, ola bu mweeri wa neetanu na mmohi. Oliye agali owuuluvaleene, oyene athu aatene yamwiiriiwa muliba ohubala.

³⁷ Vowi ni Mulugu kilivo ehinaandeya>>.

³⁸ Vano Mariya omwaakulaga, wiira: <>. Vano mungero ovenyavo veemeliligiiye.

Mariya onomweeddela Ezabeli

³⁹ Malabo alene Mariya ahivenyaga mowaaguva odhowa nluwa na oZhudeya murudda wo mwaangoni.

⁴⁰ Ovolowa mba mwa Zakariya, omulojela Ezabeli.

⁴¹ Ezabeli ageewile olojela wa Mariya, mwaanaya ahiikahinyaga mbaani mwa amaaye. Ezabeli teto ahidhaaleliwaga Muneba Woweela.

⁴² Ahiwogaga ni ndhu nootaama, wiira: <

⁴³ Asaa! Dhaandeyile addi wi amaaye a Nabwiya aaga, egeeddele miyo?

⁴⁴ Vowi viiwiliimi olojela weenyu, mwaana ohiikahinya voolubalevene ni ohagalala mbaani mwaaga.

⁴⁵ Muli ooreelihiwa mwaha woororomela wi Nabwiya dhuwaaddeliiyeni, dhineere wiireya!>>

Jibo ya Mariya

⁴⁶ Nuwindo, Mariya ahiiraga: <

⁴⁷ muneba waaga onohagalala mwa Mulugu, Mvulumusi aaga.

⁴⁸ Vowi ohoona wiiyeviha wa mwiimeleli aaye. Okuma dhiinova odhowa osogolo ni anamabaliwelamo aatene enagiirege ooreelihiwa

⁴⁹ mwaha wi oowodha ohugiirela dhego dhuulubale. Oweela thili ndina naaye.

⁵⁰ Thagaraga dhaaye dhinowaafiyedha anamabaliwelamo aatene, alene enamuriiha.

⁵¹ Ohaabalalesa ni moono waaye owiithukula, ni moobuwelelo eewa oovirigana.

⁵² Ohaakitiha mamwene mumpanddoni mweewa, waagweliha owiiyeviha.

⁵³ Ohaarubaliha ni dhapama aliba dala, waapaganya ehinna yego ooreela.

⁵⁴ Ohumukamihedha Ezarayeli mwiimeleli aaye, kaddiwaalele thagaraga dhaaye

⁵⁵ wa Abarahamu ni anamabaliwelamo aaye okala ni okala, wona aroromelihiiye makolo eehu>>.

⁵⁶ Mariya ahikala ni Ezabeli mweeri dhowaakwana miraaru. Vano owelela vaade vaaye.

Obaliwa wa Zhuwawu Namabathiza

⁵⁷ Mudhidhi ogaakwanile wowi Ezabeli abale, ahimbala mwaana-mulobwana.

⁵⁸ Amwaaddamani ni amudhi aaye egeewile wi Nabwiya ohumweeddiwela thagaraga voolubalevene, yahihagalala ni oliye.

⁵⁹ Vigavirile malabo matanu ni maraaru yahimudhowana mwaana wi eeneliwe yafunaga emuthwe ndina na babe, Zakariya.

⁶⁰ Amaaye yahaakulaga, wiira: <>.

⁶¹ Yahimwiirelaga: <>.

⁶² Omukoha babe a mwaana ni madada wi ki mwaana ola eeriwege aani.

⁶³ Ahilobaga ntabwa olebavo: <>.

⁶⁴ Mowaaguva mulomo waaye wahifuguwaga, nlumi otapuwa, owogaga, amutamaalaga Mulugu.

⁶⁵ Wahikalaga woova wa amwaaddamani aatene a Zakariya ni murudda dhaatedhene dha omwaangoni dha oZhudeya, dhoowogiwa dhowiireya nde.

⁶⁶ Aatene yeewile nde yoologolela mmirimani, yiiraga: <> Mwaha wi kopolo dha Mulugu dhaali ni oliye.

Jibo ya Zakariya

⁶⁷ Zakariya, babe Zhuwawu, ahidhaaliwa Muneba Woweela wambeela ovuwiha mutheenga ola, eeraga:

⁶⁸ <

⁶⁹ Ohunivenyihedha ovulumusa wa kopolo, odheela vaade va Davidi, mwiimeleli aaye.

⁷⁰ (Woona Mulugu mwawogeliiye odheela vamulomoni vanamavuhulela oweela murima okuma wale-wale.)

⁷¹ Wi eere onoobola wa amwiiddani eehu mmadadani mwa aatene alene enanaaba.

⁷² Ohooneyiha thagaraga dhaaye wa makolo eehu, wuubuwelela nipangano no waandana woopanganela waaye woweela,

⁷³ Olibela wamwiireliiye babiihu Abarahamu:

⁷⁴ Wi eere onivulumusa mmadadani mwa, amwiiddani eehu wi nimweebedhege nihoovaga,

⁷⁵ moweela mirima ni wiiwelela vameentoni vaaye malabo maatene a egumi yeehu.

⁷⁶ We mwaanaga, oneerege wiithaniwa namavuhulela a Mudhulu-dhulu. Vowi oneere odhowa vasogolo va Nabwiya wi osasanyedhe dila yaaye.

⁷⁷ Ni waalaleyela athu a Mulugu ovulumusiwa weewa odheela mooleveleliwa dhoothega dheewa,

⁷⁸ vowi Mulugu eehu dathagaraga, ohuneeddela okumela odhulu wona ofuwa wa nduwa,

⁷⁹ wi naamoneyele ale eneedda mwiipipini ni murinti wookwa, wi aasogolele manyalo eehu mundila ya murenddele>>.

⁸⁰ Mwaana ole owunnuwa ni oliba mwa muneba, ahikala mwiiddeddereni ofiyedha nlabo nenddo neyooneyihiliiye wa Ezarayeli wona pogo.