Labu 1 - Pathen Thutheng BU (BSI)

BU KHATNA ( Labu 1—41 ) Michonpha ho Lampi leh Pathen Helouho kichaina Ding

¹ Pathen ngaisahlouho thumopma chonlou, michonse te lamlhah-a jong dingle lou, i-sah louho touna-a jong toulou michu anun nome.

² Amavang alung lhaina chu Pakai danthu-ah aumin; adanthu chu sunle janin angaito jin ahi.

³ Amachu vadung panga thingphung kiphut tobang, aphatcha aga sodoh jia, anajong gop louding; chule abol jousea lolhing ding ahi.

⁴ Pathen ngaisah louho vang chutobang ahipoi. Ahin huijin amut mangji changvai tobang bou ahi.

⁵ Hijeh chun Pathen ngaisahlouho chu thutan na-a ding jouloudiu, chujongle chonseho chu michonpha ho houkhom na-a pangloudiu ahi.

⁶ Ajehchu Pakaiyin michonpha ho lampi chu ahen, hinla Pathen ngaisahlouho lampi vang mangthah ding ahi.