MATIUS 1 - SURAT TUHAN Dahun Kayan 1990

Pahu Tuhan Yesus Kristus

¹ Anih nah pahu Yesus Kristus, Iha' atih anak Daud, anak Abraham.

² Abraham aleng taman Ishak, dahin Ishak taman Yakub, dahin Yakub pah taman Yehuda dahin dalo' harin na' lim,

³ Yehuda aleng taman Peres dahin Zerah té' Tamar, dahin Peres taman Hezron, dahin Hezron taman Ram,

⁴ Ram taman Aminadab, dahin Aminadab taman Nahason, dahin Nahason taman Salmon

⁵ Salmon taman Buas té' Rahab, dahin Buas taman Obed té' Rut, dahin Obed taman Isai,

⁶ dahin Isai taman Laja' Daud. Laja' Daud taman Salomo té' doh aleng hu'uh doh Uria mena',

⁷ dahin Salomo taman Rehabeam, dahin Rehabeam taman Abia, dahin Abia taman Asa,

⁸ dahin Asa taman Yosafat, dahin Yosafat taman Yoram, dahin Yroam taman Uzia,

⁹ dahin Uzia taman Yotam, dahin Yotam taman Ahas, dahin Ahas taman Hizkia,

¹⁰ dahin Hizkia taman Manasye, dahin Manasye taman Amon, dahin Amon taman Yosia,

¹¹ dahin Yosia taman Yekhonya dahin dalo' hari na', tegu daha' geri daha' ha' daléh Babel.

¹² Ngebaya men'uh daha' geri daha' Israel tei salut ha' Babel atih té' pah Yekhonya taman Sealtiel, dahin Sealtiel taman Zerubabel,

¹³ dahin Zerubabel taman Abihud, dahin Abihud taman Elyakim, dahin Elyakim taman Azor,

¹⁴ dahin Azor taman Zadok, dahin Zadok taman Akhim, dahin Akhim taman Eliud,

¹⁵ dahin Eliud taman Eleazar, dahin Eleazar taman Matan, dahin Matan taman Yakub,

¹⁶ dahin Yakub taman Yusuf, iha' nah hawan Maria, aleng nganak Yesus aleng en tam kuma' Kristus.

¹⁷ Avin ha' nunan, lim tebin men Abraham ateng Daud pulu-pat tebin, men urip Daud ateng daha' geri daha' ha' daléh Babil atih pah pulu-pat tebin, dahin men'uh daha' geri daha' ha' Babel ateng tegu Kristus, atih pah pulu-pat tebin.

Marung kanak Tuhan Yesus Kristus, Anak Allah

¹⁸ Té' pah kanak Yesus Kristus nunih tuk na'. Alem Maria hinan Na' atih teng Yusuf, em payan dawa' peji, tula nah Maria atih mali men Belua' Ma'ang.

¹⁹ Yusuf teng na' atih, avin iha' ji kelunan aleng teneng kenep dahin em ngenep peha'éh iha', pelemana' nah iha' seng mebet iha' nyilem.

²⁰ Bi alem iha' pelemana' nunan, tula nah té' iha' alem nyupin na' ji meliket Tuhan aleng kuma', “U Yusuf, anak Daud, meng nah im kawah ala Maria atih jadi' hawam, avin men Belua' Ma'ang nah pa'un ali na' atih.

²¹ Iha' seng nganak ji anak-laké'. Sayu nah im na aran Na' Yesus, avin Iha' nah aleng seng pekurip pahu Na' men sala daha'.”

²² Lim atih uh jadi' ja la'ung nah ket aleng uh en Tuhan bara men ba nabi, dahun Na',

²³ “Nyineng nah, ji nyemdoh seng nei mali dahin nganak ji anak-laké', daha' seng na aran na' Imanuel,” aleng aran daho' atih, “Allah té' dahin tam.”

²⁴ Ma'un nah Yusuf men udu na', pelalau ha' ngioh awi dahun meliket atih men iha', pelalau iha' ala Maria hawan na'.

²⁵ Bi nusi' Yusuf peji tudu dahin Maria ateng iha' uh nganak ji anak-laké'. Pelalau iha' na aran Na' Yesus.