Tvtsvmc 1 - ASII LAKDAP Bible (BSI)

SHOMSHI DAPSHI (Shomshi Dapshi 1—41 ) Riikhaqli Peo

¹ Shiimanhea miraq jurwa abi maiqsetiim danhon lang mak, riimakla ngarai klotibi lam phan mak, riimakla Shiikeawe raq lang maktibi rai pong mak.

² Kra rii na tsangshiq raq Tatiwe Thungtri ka khoqriiq shishiiq maq langtlo, kiimaq tsangshiq raq tri tu ka ranaiq rawa sidi phattlo.

³ Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

⁴ Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

⁵ Ngarai maiqse thun ka Shiikeawe raq mitiishutbaiq raüta tsangshiq ka Shiikeawe sengi phong wa pong na miraithü.

⁶ Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.