MAZMUR 1 - BINOHẸ SUSI BAL᷊O MAPIA

BUKẸ̌ HUMOTONG: MAZMUR 1–41 Kakariangkamang tutune

¹ Kariangkamang taumata kụ tawe tumatol᷊e sasasan taumata ral᷊akisẹ̌, tawe mẹ̌tatěno taumata waradosa dingangu tawe mẹ̌dal᷊aụu taumata měhinakang Mawu Ruata,

² kaiso puluang mẹ̌koạ apan Niorom Mawu ringangu mẹ̌sẹ̌sipiru ene ěllo hěbi.

³ Taumata ene piạ ual᷊ine su ral᷊ungu patikụ tawakal᷊ine; i sie mẹ̌sul᷊ungu kalu su wiwihu sal᷊ụ kụ mẹ̌bua su musunge ringangu tawe malalalolang daukalune.

⁴ Su sěmběkane taumata ral᷊akisẹ̌ e: i sie mẹ̌sul᷊ungu wal᷊ẹ̌ka kụ sal᷊iawuhangu anging.

⁵ Taumata ral᷊akisẹ̌ e sarung i hukungu Mawu Ruata, mělahukunge ringangu i hae wọu manga umatʼE.

⁶ Batụu taumata mararingihẹ̌ e tẹ̌tataěng dingangu tẹ̌těntanurangu Mawu, arawe taumata ral᷊akisẹ̌ e mẹ̌tẹ̌timona kawawinasa.