ESTER 10 - BINOHẸ SUSI BAL᷊O MAPIA

Kawawantugʼi Ahasyweros dingang i Mordekhai

¹ Datu i Ahasyweros nẹ̌koạ hal᷊ẹ̌ sihasa, bal᷊inewe kětạeng su kawanua su manga wanua su wiwihu apeng su ral᷊ungu kararatuange kaiso lai su manga wanua su ul᷊une.

² Kal᷊awọu kakanoạ e gaghaghuwạ dingangu matataghupia e, ringangu lai manga wěke natimu mạanung kereapa i sie něhengkẹ i Mordekhai nakoạ mapapangkatẹ̌ marangẹ e, kạbawohẹ su ral᷊ungu bukẹ̌ u wěkeng manga mararatum Persia ringangu Media.

³ I Mordekhai, tau Yahudi ene těbe su kal᷊aianengu diabatang karangetange su al᷊ungu Ratu i Ahasywerosẹ̌ e hala. I Mordekhai lẹ̌adateng dingangu ikẹ̌kapulung kal᷊awọu taumata apang bansa sěmbaụ dingange. I sie nẹ̌tawakal᷊i mẹ̌deạu kasasal᷊amatẹ̌ e ringangu karal᷊unsemahu manga wansane ore lai kal᷊awọu hiten sire e.