Matyu 1 - Papang Yulni

Jisas Krais muihnibararak balna

¹ Adika balna laih Jisas Krais muihnibararak balna ayangnina dai, witing laih Devid dawak Abraham sulani dai:

² Abraham laih Isaac papangni dai, Isaac laih Jacob papangni dai dawak Jacob laih Judá dawi wirahni ahal balna kauna papangnina dai.

³ Judá laih Fares dawi Zara karak papangnina dai, dawak nanangni laih Tamar dai. Fares laih Esrom papangni dai dawak Esrom laih Aram papangni dai.

⁴ Aram laih Aminadab papangni dai, Aminadab laih Naasón papangni dai dawak Naasón laih Salmón papangni dai.

⁵ Salmón laih Booz papangni dai, nanangni laih Rahab dai. Booz laih Obed papangni dai, nanangni laih Rut dai. Obed laih Isaí papangni dai.

⁶ Isaí laih king Devid papangni dai, dawak king Devid laih Salomón papangni dai, nanangni laih Urías yalni dai kidika ki.

⁷ Salomón laih Roboam papangni dai, Roboam laih Abías papangni dai dawak Abías laih Asa papangni dai.

⁸ Asa laih Josafat papangni dai, Josafat laih Joram papangni dai dawak Joram laih Uzías papangni dai.

⁹ Uzías laih Jotam papangni dai, Jotam laih Acaz papangni dai dawak Acaz laih Ezequías papangni dai.

¹⁰ Ezequías laih Manasés papangni dai, Manasés laih Amón papangni dai dawak Amón laih Josías papangni dai.

¹¹ Josías laih Jeconías dawi wirahni ahal balna karak papangnina dai, Israel muihni balna laihwi Babilon yakat duwi uina mani balna yakat.

¹² Babilon yakat duwi uina usnit yak, Jeconías laih Salatiel papangni dai dawak Salatiel laih Zorobabel papangni dai.

¹³ Zorobabel laih Abiud papangni dai, Abiud laih Eliaquim papangni dai dawak Eliaquim laih Azor papangni dai.

¹⁴ Azor laih Sadoc papangni dai, Sadoc laih Aquim papangni dai Aquim laih Eliud papangni dai.

¹⁵ Eliud laih Eleazar papangni dai, Eleazar laih Matán papangni dai dawak Matán laih Jacob papangni dai.

¹⁶ Jacob laih José papangni dai, Mery alni dai kidika, dawak Mery laih Jisas nanangni dai, Mesías, kaput yulda kidika.

¹⁷ Kaput laih sulani tilahna balna manah 14 bangdai Abraham kaupak Devid kat, dawak Devid kaupak sulani tilahna 14 ūk bangdai Israel muihni balna laihwi Babilon yakat duwi uina kidika kat, dawak laihwi pa ūk kau duwi uina kidika kaupak Mesías batahn dana kat kidika sulani tilahna balna 14 ūk bangdai.

Jisas Krais batahn dana kidika

¹⁸ Jisas Krais batahn dana yulni kidika laih aput dai: Nanangni Mery laih José karak kalduninna pramis dai; kaunah baisa witing karak kalduduwas tanitkauh, muih karuk dana dai Spirit Holi parasni kaupak.

¹⁹ Witing alni José kidika laih muih al as barangni dai bahang muih balna yakat Mery yulni yaknin kidika dukih kalawas dai, witing malni kau daktik alahwakuh ti kulna dai.

²⁰ Witing kaput yamnin kidika uman kulwi lana dai, kaunah Dawan innisal as aminin kau kalahwi witing yakat aput kalyulna dai: “José, Devid sulani, man yalma Mery kidika dunin yamaduwinih, kat witing walabis duwarang kidika laih Spirit Holi kaupak ki.

²¹ Mery laih walabis as duwarang ki, dawak ayangni laih Jisas pakma., Witing ayangni laih kaput karang kat witing yaklau tawanni dutni balna kidika kaupak laihwi yakwarang bahang.”

²² Adika dini balna kalahna dai, Dawan yaklau prapit munah yulna dai kidika kaput kalahna atnin yulni:

²³ “Yal sirau kidika laih muihkaruk dawarang dawak walabis al as yakwarang ki, kidika ayangni laih ‘Papang mayang karak’ papakwarang.”

²⁴ José witing kami sahmuhna mani kat, Dawan innisal yamnin kalyulna dai kidika kaput yamna dai, dawak Mery kidika witing yalni duna dai.

²⁵ Kaunah witingna marid kapat laih yalalahwasdai walanibis al kidika duna kat laih witingna aslah yalalahna dai, José yaklau ayangni Jisas pakna dai kidika.