Ester 10 - Papang YulniMardoqueo yakat ayangni nuhni yamna dawak adika karak yulni balna adika putna ki 1 King Asuero yaklauwi tunan minit launin kidika āna muih bitik kau, kalangsah kau yalalahwa balna bitik yakat bik. 2 Di bitik yamna parasni kau duwi, dawak kaput bik laih Mardoqueo yakat wark nuhni kalana kidika ulna, bahang kidika laih Media dawak Persia kau di balna kalahwak ulwa wauhnitaya yakat ulna ki. 3 Ju al Mardoqueo kidika tatuna dai, king kaupak usnit yakat, dawak Ju balna pasyakat muih nuhni as dai, dawak witingna sau aslah balna kidika yaklauwi dalani kaltatalna, kat witing tawanni yamni kidika walna, dawak bik kalbauna witingna ā aslah balna kidika yamni atnin yulni. |