Zekaria 1 - Baiberi Magwaro Matȿene aMŋari 1949 (Doke)

Muprofita unokurudzira ʋanhu kuti ʋadzokere kunaJehova.

¹ Nomŋedzi worusere, negore recipiri raDariusi, shoko raJehova rakaȿika kunaZekaria, mŋanakomana waBerekia, mŋanakomana womuprofita Ido, riciti:

² Jehova wakatsamŋira madziɓaɓa enyu ɀikuru.

³ Naiɀoɀo citi kwaʋari: Ɀanzi naJehova wehondo: Dzokerai kwandiri — ndiɀo ɀinotaura Jehova wehondo — neni ndicadzokera kwamuri — ndiɀo ɀinotaura Jehova wehondo.

⁴ Regai kuʋa samadziɓaɓa enyu, nokuti ʋaprofita ʋokutaŋga ʋakaɗanidzira kwaari, ʋaciti: Ɀanzi naJehova wehondo: Dzokai ɀino panzira dzenyu dzakaipa napaɀakaipa ɀenyu ɀamunoita; asi haʋana‐kunzwa kana kunditeerera — ndiɀo ɀinotaura Jehova.

⁵ Madziɓaɓa enyu aripiko? Naiʋo ʋaprofita ʋaŋgararama nokusiŋgaperi here?

⁶ Asi mashoko aŋgu nemitemo yaŋgu, ɀandakaraira ʋaranda ʋaŋgu, iʋo ʋaprofita, haɀina‐kuɓata madziɓaɓa enyu here? Iʋo ʋakadzoka, ʋakati: Jehova wehondo seɀaakafuŋga kutiitira, ɀakafanira maɓasa eɗu neɀakafanira ɀatakaita, ndiɀo ɀaakatiitira.

Ciratidzo cokutaŋga camabiza.

⁷ Nezuʋa ramakumi namanna romŋedzi wegumi nomumŋe, uri mŋedzi weShebati, negore recipiri raDariusi, shoko raJehova rakaȿika kunaZekaria mŋanakomana waBerekia, mŋanakomana womuprofita Ido, riciti:

⁸ Ndakatarira ʋusiku, ndikaʋona murume wakataȿa biza dɀuku, akamira pakati pemiti yemimirte yaiʋa mumupata; shure kwake kwakaŋga kunamabiza matȿuku namashora namacena.

⁹ Ipapo ndikati: Nhai, ishe waŋgu, ɀinyiko iɀi? Mutumŋa wakaŋga acitaurirana neni akati kwandiri: Ndicakuratidza kuti iɀi ɀinyi.

¹⁰ Murume wakaŋga amire pakati pemiti yemimirte akapindura, akati: Aʋa ndiʋo ʋakatumŋa naJehova kupota‐pota nenyika yose.

¹¹ Iʋo ʋakapindura mutumŋa waJehova wakaŋga amire pakati pemiti yemimirte, ʋakati: Takapota‐pota nenyika yose, wane nyika yose inyerere icizorora.

¹² Ipapo mutumŋa waJehova wakapindura, akati: Haiwa, Jehova wehondo, mucaramba musiŋganzwiri nyasha Jerusarema namaguta aJuda amakatsamŋira makore ano anamakumi manomŋe kuȿikira riniko?

¹³ Ipapo Jehova wakapindura mutumŋa wakaŋga acitaurirana neni, mashoko akanaka anonyaradza.

¹⁴ Ipapo mutumŋa, wakaŋga acitaurirana neni, akati kwandiri: Ƌanidzira, uti: Ɀanzi naJehova wehondo: Ndinegoɗo pamsoro peJerusarema, goɗo guru.

¹⁵ Ndakatsamŋira kwaɀo ndudzi dzaʋanhu dzakazorora, nokuti ndakaŋga ndakatsamŋa ɀishoma, asi iʋo ʋakanyanyisa nhamo.

¹⁶ Naiɀoɀo ɀanzi naJehova: Ndadzokera Jerusarema ndinenyasha zhinji; imba yaŋgu icaʋakwa’mo — ndiɀo ɀinotaura Jehova wehondo — ʋuye rwonzi rwokuyera rucatambanudzirwa pamsoro peJerusarema.

¹⁷ Ƌanidzira ɀe, uti: Ɀanzi naJehova wehondo: Maguta aŋgu acapafuma mufaro ɀe, Jehova ucanyaradza ɀe Zioni, ucaɀisanaŋgurira ɀe Jerusarema.

Ciratidzo cecipiri cenyaŋga naʋapfuri.

¹⁸ Ɀino ndakarinzira meso aŋgu ndikatarira, ndikaʋona nyaŋga inna.

¹⁹ Ipapo ndikati kumutumŋa, wakaŋga acitaurirana neni: Ɀinyiko iɀi? Akandipindura, akati: Ndidzo nyaŋga dzakaparadzira Juda naIsraeri neJerusarema.

²⁰ Jehova akandiratidza ʋapfuri ʋanna.

²¹ Ipapo ndikati: Aʋa ʋaʋuya kuzoɓateiko? Iye akataura, akati: Ndidzo nyaŋga dzakaparadzira Juda, kuȿikira kusinomunhu wakasimudza musoro wake; asi aʋa ʋaʋuya kuzoʋatyisa, kuwisira pasi nyaŋga dzendudzi dzaʋanhu dzakasimudzira nyika yaJuda runyaŋga rwaʋo ʋaciɗa kuʋaparadzira.