Numeri 6 - Baiberi Magwaro Matȿene aMŋari 1949 (Doke)

Murairo waʋaNaziri.

¹ Ɀino Jehova wakataura naMosesi, akati:

² Taura naʋana ʋaIsraeri, uti kwaʋari: Kana murume, kunyaŋge mukadzi, akaɀisuŋga nokupika kukuru, kupika kwomuNaziri, kuti aɀitsaurire Jehova;

³ unofanira kuramba waini neɀinoɓata; haafaniri kunwa vinega yewaini, kana vinega yeɀinoɓata, ʋuye haafaniri kunwa muto wemizambiriŋga, kana kudya mazambiriŋga matȿa kana akawomeswa.

⁴ Mazuʋa ose okuɀitsaura kwake haafaniri kudya cinhu cinobva pamuti womuzambiriŋga kubva paȿurwe kuȿika pamateko.

⁵ Mazuʋa ose okupika kwake kuɀitsaura haafaniri kuʋeʋurwa musoro wake neciȿo; unofanira kuʋa mutȿene, nevudzi romusoro wake unofanira kurirega rireɓe, kuȿikira mazuʋa apera aakaɀitsaurira Jehova nawo.

⁶ Ŋgaarege kusweɗera kucitunha mazuʋa ose aanoɀitsaurira Jehova nawo.

⁷ Haafaniri kuɀiȿiɓisa nokuɗa kwaɓaɓa ʋake, kana nokuɗa kwamai ʋake, kana nokuɗa kwomunuŋuna wake, kana nokuɗa kwehanɀadzi yake, kana ʋafa; nokuti wakaɀitsaurira Mŋari.

⁸ Mutȿene kunaJehova mazuʋa ose okuɀitsaura kwake.

⁹ Kana munhu akafa kamŋe‐kamŋe pedyo naye, akaȿiɓisa musoro wake wakatsaurwa; ipapo unofanira kuʋeʋura musoro wake nomusi wokunatswa kwake, nomusi wecinomŋe unofanira kuuʋeʋura.

¹⁰ Nomusi worusere unofanira kuʋuya kumuprista nenjiʋa mbiri, kana twana tuʋiri twenjiʋa pamukoʋa wetente rokusoŋgana;

¹¹ muprista agoɓayira imŋe ciʋe cipiriso ceɀiʋi, neimŋe ciʋe cipiriso cinopiswa, amuyananisire ɀaakatadza nokuɗa kwowakafa, anatse musoro wake nomusi uyo.

¹² Unofanira kutsaurira Jehova mazuʋa okuɀitsaura kwake, ndokuʋuya negwaiana regondobge regore rimŋe, ciʋe cipiriso cemhoȿa; asi mazuʋa okutaŋga haaŋgaʋereŋgwi, nokuti kuɀitsaura kwake kwakaŋga kwaȿiɓiswa.

¹³ Ndiwo murairo womuNaziri, kana mazuʋa okuɀitsaura kwake aciŋge apera: Unofanira kuiswa kumukoʋa wetente rokusoŋgana;

¹⁴ kuti ape Jehova cipo cake, cinoti gwaiana rimŋe, regondobge regore rimŋe, risina‐kuremara, ciʋe cipiriso cinopiswa, negwaiana rimŋe reshece regore rimŋe, risina‐kuremara, ciʋe cipiriso ceɀiʋi, negondobge rimŋe risina‐kuremara, ciʋe cipiriso cokuyananisa,

¹⁵ neɗeŋgu reɀiŋgwa ɀisina‐kuʋiriswa, neɀiŋgwa ɀiɗuku ɀoʋupfu bgakatsetseka, bgakakanyiwa namafuta, neɀiŋgwa ɀitete ɀisina‐kuʋiriswa, ɀakazodzwa namafuta, necipiriso caɀo coʋupfu, neɀipiriso ɀaɀo ɀinoɗururwa.

¹⁶ Muprista unofanira kuʋuya naɀo pamberi paJehova, ndokugadzira cipiriso cake ceɀiʋi necipiriso cake cinopiswa;

¹⁷ ndokuʋuya negondobge ciʋe ciɓayiro ceɀipiriso ɀokuyananisa kunaJehova, pamŋe cete neɗeŋgu reɀiŋgwa ɀisina‐kuʋiriswa; muprista unofanira kuʋuya ʋo necipiriso caco coʋupfu, necipiriso caco cinoɗururwa.

¹⁸ Ɀino muNaziri unofanira kuʋeʋura musoro wake wakatsaurwa pamukoʋa wetente rokusoŋgana, ndokutora vudzi romusoro wake wakatsaurwa, ndokuriisa pamŋoto uri pasi peciɓayiro ceɀipiriso ɀokuyananisa.

¹⁹ Ɀino muprista unofanira kutora ɓandauko regondobge rakaɓikwa, neciŋgwa cimŋe ciɗuku cisina‐kuʋiriswa paɗeŋgu, necimŋe ciŋgwa citete cisina‐kuʋiriswa, ndokuɀiisa pamaʋoko omuNaziri, kana iye apedza kuʋeʋura musoro wake wakatsaurwa.

²⁰ Ɀino muprista unofanira kuɀizuŋguzira pamberi paJehova, ciʋe cipiriso cinozuŋguzirwa; cinhu citȿene comuprista, pamŋe cete necityu cinozuŋguzirwa, neɓandauko rinosimudzwa; ɀino muNaziri uŋganwa waini.

²¹ Ndiwo murairo womuNaziri pakupika kwake, necipo cake cokuɀitsaurira Jehova, ɀimŋe ɀaaŋgagona kuʋuya naɀo ɀisiŋgaʋereŋgwi; seɀaakapika, ndiɀo ɀaanofanira kuita nomurairo wokuɀitsaura nawo.

Kuropafadza kwomuprista.

²² Jehova akataura naMosesi, akati:

²³ Taura naAroni naʋanakomana ʋake, uti: Munofanira kuropafadza ʋana ʋaIsraeri nomutoʋo uyu: Muti kwaʋari:

²⁴ Jehova akuropafadze, akuceŋgete;

²⁵ Jehova akuvenekere neciso cake, akunzwire nyasha;

²⁶ Jehova akusimudzire ciso cake, akupe rugare.

²⁷ Nokuɗaro ʋacaisa zita raŋgu paʋana ʋaIsraeri; neni ndicaʋaropafadza.