Numeri 31 - Baiberi Magwaro Matȿene aMŋari 1949 (Doke)

ƲaIsraeri ʋanokunda ʋaMidiani.

¹ Ɀino Jehova wakataura naMosesi, akati:

² Tsiʋa ʋana ʋaIsraeri kuʋaMidiani; shure kwaiɀoɀo iwe ucasoŋganiswa naʋanhu ʋako.

³ Mosesi akataura naʋanhu, akati: Ʋarume pakati penyu ŋgaʋaɀigadzirire kurwa, kuti ʋandorwa naʋaMidiani, ʋatsiʋire Jehova kuʋaMidiani.

⁴ Munofanira kutumira kuhondo ʋanecuru cimŋe kurudzi rumŋe norumŋe amarudzi aʋaIsraeri.

⁵ Naiɀoɀo ʋakaʋereŋga kuɀuru ɀaʋaIsraeri curu cimŋe kurudzi rumŋe norumŋe, ʋakaȿika ɀuru gumi neɀiʋiri ʋakaɀigadzirira kundorwa.

⁶ Mosesi akaʋatuma kundorwa, curu cimŋe kurudzi rumŋe norumŋe, iʋo naPinehasi, mŋanakomana waEreazari muprista, kundorwa, iye akaɓata nhumbi dzeimba tȿene nehwamanda dzokuridzisa nadzo.

⁷ Ʋakarwa naʋaMidiani, seɀakarairwa Mosesi naJehova, ʋakaʋuraya ʋarume ʋose.

⁸ Ʋakaʋuraya ʋo madzimambo aʋaMidiani, pamŋe cete naʋamŋe ʋakaʋurawa, ʋaiti: Evi, naRekemi, naZuri, naHuri, naReba, madzimambo mashanu aʋaMidiani; naBarami, mŋanakomana waBeori, ʋakamuʋuraya ʋo nomunondo.

⁹ Ʋana ʋaIsraeri ʋakatapa ʋakadzi ʋaʋaMidiani naʋana ʋaʋo; neŋombe dzaʋo dzose namakwai aʋo ose, nefuma yaʋo yose, ʋakaɀitapa.

¹⁰ Namaguta aʋo yose maʋakaŋga ʋagere, nemisasa yaʋo ose, ʋakaɀipisa nomŋoto.

¹¹ Ʋakatora ɀaʋakapamba ɀose, nenhapxa dzose dzaʋanhu nedzeɀipfuwo.

¹² Ʋakaʋuya naʋatapxa, neɀaʋakatapa, neɀaʋakapamba kunaMosesi, nokunaEreazari muprista, nokuʋuŋgano yose yaʋana ʋaIsraeri, kumisasa pamapani aMoabi, ari paJoridani paJeriko.

¹³ Ɀino Mosesi naEreazari muprista, namacinda ose eʋuŋgano, ʋakaenda kundosoŋgana naʋo kunze kwemisasa.

¹⁴ Mosesi akatsamŋira ʋatariri ʋehondo, naʋakuru ʋeɀuru naʋakuru ʋamazana, ʋakaŋga ʋacidzoka pakundorwa;

¹⁵ Mosesi akati kwaʋari: Makaceŋgeta ʋakadzi ʋose ʋari ʋapenyu here?

¹⁶ Tarirai, ndiʋo ʋakatadzisa ʋana ʋaIsraeri pamberi paJehova paɀakaitwa paPeori, ʋapiwa mano naBarami, ɗenda rikaʋa’po pakati peʋuŋgano yaJehova.

¹⁷ Naiɀoɀo ɀino ʋurayai ʋakomana ʋose ʋari pakati paʋana, muʋuraye ʋo mukadzi mumŋe nomumŋe wakaʋata nomurume;

¹⁸ asi muɀiceŋgetere ʋanasikana ʋose, ʋasina‐kumboʋata nomurume.

¹⁹ Asi imi, endai mundogara mazuʋa manomŋe kunze kwemisasa; aninani wakaʋuraya munhu, naaninani wakaɓata munhu wakaʋurawa, muɀinatse pazuʋa retatu nerecinomŋe, imi naʋatapxa ʋenyu.

²⁰ Munofanira ʋo kusuka ŋguʋo dzenyu dzose, neɀose ɀakaitwa namatebge, neɀose ɀakarukwa nemvere dzembudzi, neɀinhu ɀose ɀakaitwa namatanda.

²¹ Ereazari muprista akati kuʋarwi ʋose ʋakaŋga ʋandorwa: Uyu ndiwo murairo wakarairwa Mosesi naJehova:

²² Ndarama, nesirveri, nendarira, neɗare, netini, nomutobvu,

²³ ɀose ɀisiŋgaparadzwi nomŋoto, munofanira kuɀipinza mumŋoto kuti ɀinatswe; kunyaŋge ɀakaɗaro ɀinofanira kuceneswa nemvura yokunatsa; asi ɀose ɀiŋgaparadzwa nomŋoto, munofanira kuɀipinza mumvura.

²⁴ Munofanira kusuka ŋguʋo dzenyu nezuʋa recinomŋe, kuti muʋe ʋakanaka, mugopinda mumisasa pashure.

²⁵ Ɀino Jehova akataura naMosesi, akati:

²⁶ Ʋereŋga ɀakatapxa ɀamakatapa ɀaʋanhu neɀeɀipfuwo, iwe naEreazari muprista, naʋakuru ʋedzimba dzamadziɓaɓa eʋuŋgano;

²⁷ mukamure ɀakatapxa napakati, iʋe migoʋe miʋiri; mugoʋere pakati paʋarume ʋanoziʋa kurwa, ʋakaŋga ʋandorwa, neʋuŋgano yose;

²⁸ ɀino uraire kuti mugoʋe wakatarwa utsaurirwe Jehova naʋarume ʋehondo ʋakaŋga ʋandorwa: Cipenyu cimŋe kumazana mashanu, kuʋanhu, nokuŋombe, nokumboŋgoro, nokumakwai;

²⁹ uɀitore pahafu yaʋo, ugoɀipa Ereazari muprista, ciʋe cipiriso cinotsaurirwa Jehova.

³⁰ Asi pahafu yaʋana ʋaIsraeri unofanira kutora cimŋe kumakumi mashanu, kuʋanhu, nokuŋombe, nokumboŋgoro, nokumakwai, kuɀipfuwo ɀose, ugoɀipa ʋaRevi ʋanoceŋgeta tabernakeri yaJehova.

³¹ Mosesi naEreazari ʋakaita seɀakarairwa Mosesi naJehova.

³² Ɀino ɀakatapxa ɀakaŋga ɀasara, ʋarume ʋehondo ʋatora mugoʋe waʋo, ɀaiʋa makwai aneɀuru ɀinamazana matanhatu neɀuru ɀinamakumi manomŋe neɀuru ɀishanu,

³³ neŋombe dzineɀuru ɀinamakumi manomŋe neɀiʋiri,

³⁴ nemboŋgoro dzineɀuru ɀinamakumi matanhatu necuru cimŋe;

³⁵ naʋakadzi ʋasina‐kumboʋata naʋarume ʋaneɀuru ɀinamakumi matatu neɀiʋiri.

³⁶ Hafu, yakagoʋerwa ʋakaŋga ʋaenda kundorwa, aiʋa makwai aneɀuru ɀinamazana matatu, neɀuru ɀinamakumi matatu, neɀuru ɀinomŋe, namazana mashanu;

³⁷ mugoʋe wakatarwa, wakatsaurirwa Jehova, waiʋa makwai anamazana matanhatu namakumi manomŋe namashanu.

³⁸ Ŋombe dzaiʋa ɀuru ɀinamakumi matatu neɀitanhatu; mugoʋe wakatarwa, wakatsaurirwa Jehova kunaidzo, waiʋa ŋombe dzinamakumi manomŋe nembiri.

³⁹ Mboŋgoro dzaiʋa ɀuru ɀinamakumi matatu namazana mashanu; mugoʋe wakatarwa, wakatsaurirwa Jehova kunaidzo, waiʋa mboŋgoro dzinamakumi matanhatu neimŋe.

⁴⁰ Ʋanhu ʋaiʋa ɀuru ɀinegumi neɀitanhatu; mugoʋe wakatarwa, wakatsaurirwa Jehova kunaiʋo, waiʋa ʋanhu ʋanamakumi matatu naʋaʋiri.

⁴¹ Mosesi akapa Ereazari muprista mugoʋe wakatarwa, cakaŋga ciri cipiriso cakatsaurirwa Jehova, seɀakarairwa Mosesi naJehova.

⁴² Pahafu yaʋana ʋaIsraeri, yakaŋga yakamurwa naMosesi kuʋanhu ʋakaŋga ʋandorwa,

⁴³ (ɀino hafu yeʋuŋgano yaiʋa makwai aneɀuru ɀinamazana matatu namakumi matatu, neɀuru ɀinomŋe namazana mashanu,

⁴⁴ neŋombe dzineɀuru ɀinamakumi matatu neɀuru ɀitatu,

⁴⁵ nemboŋgoro dzineɀuru ɀinamakumi matatu namazana mashanu,

⁴⁶ naʋanhu ʋaneɀuru ɀinegumi neɀitanhatu.)

⁴⁷ Pahafu yaʋana ʋaIsraeri Mosesi akatora cimŋe kumakumi mashanu, kuʋanhu nokuɀipfuwo, akaɀipa ʋaRevi ʋaiceŋgeta tabernakeri yaJehova; seɀakarairwa Mosesi naJehova.

⁴⁸ Ɀino ʋatariri ʋaiʋa pamsoro peɀuru ɀehondo, naʋakuru ʋeɀuru, naʋakuru ʋamazana ʋakasweɗera kunaMosesi,

⁴⁹ ʋakati kunaMosesi: Ʋaranda ʋenyu ʋakaʋereŋga ʋarume ʋehondo ʋanorairwa nesu; hakunomumŋe weɗu usi’po.

⁵⁰ Ɀino taʋuya necipo caJehova, ɀakawanikwa nomumŋe nomumŋe: Ɀishoŋgo ɀendarama, neketani dzomumakumbo nedzomumaʋoko, neɀindori ɀeminwe, neɀindori ɀomunzeʋe, neɀomumutsipa, kuyananisira mŋeya yeɗu pamberi paJehova.

⁵¹ Mosesi naEreazari muprista ʋakagamucira kwaʋari ndarama, ɀiri ɀishoŋgo ɀamarudzi ose ɀakaitwa nayo.

⁵² Ndarama yose yecipiriso cakatsaurwa, caʋakapa Jehova, caʋakuru ʋeɀuru necaʋakuru ʋamazana, aiʋa mashekeri aneɀuru ɀinegumi neɀitanhatu namazana manomŋe namakumi mashanu.

⁵³ (Nokuti ʋarume ʋehondo ʋakaŋga ʋatora mugoʋe waʋo weɀakatapxa, mumŋe nomumŋe.)

⁵⁴ Mosesi naEreazari muprista ʋakagamucira ndarama kuʋakuru ʋeɀuru naʋamazana, ʋakaiisa mutente rokusoŋgana, kuti ciʋe ciraŋgaridzo kuʋana ʋaIsraeri pamberi paJehova.