Numeri 27 - Baiberi Magwaro Matȿene aMŋari 1949 (Doke)

Mirairo yokugarisa nhaka.

¹ Ɀino ʋanasikana ʋaZerofehadi, mŋanakomana waHeferi, mŋanakomana waGireadi, mŋanakomana waMakiri, mŋanakomana waManase, wemhuri dzaManase, mŋanakomana waJosefa, ʋakasweɗera kunaMosesi; ndiwo mazita aʋanasikana ʋake: Mara, naNoa, naHogra, naMirka, naTirza;

² ʋakamira pamberi paMosesi napamberi paEreazari muprista, napamberi pamacinda neʋuŋgano yose, pamukoʋa wetente rokusoŋgana, ʋakati:

³ Ƃaɓa ʋeɗu ʋakafira murenje, asi ʋakaŋga ʋasi pakati peɓoka raʋaya ʋakaʋuŋgana kuzorwa naJehova, ʋeɓoka raKora; ʋakafira haʋo muɀiʋi ɀaʋo, ʋasinaʋanakomana.

⁴ Ɀino zita raɓaɓa ʋeɗu ricabvisirweiko pakati pemhuri yaʋo, nokuti ʋakaŋga ʋasinaʋanakomana? Tipei ʋo nhaka pakati pehama dzaɓaɓa ʋeɗu.

⁵ Mosesi akaisa shoko raʋo pamberi paJehova.

⁶ Jehova akataura naMosesi, akati:

⁷ Ʋanasikana ʋaZerofehadi ʋanotaura kwaɀo; ɀirokwaɀo, unofanira kuʋapa nhaka pakati pehama dzaɓaɓa ʋaʋo; unofanira kuʋagarisa nhaka yaɓaɓa ʋaʋo.

⁸ Ɀino unofanira kutaura naʋana ʋaIsraeri, uciti: Kana munhu akafa asinomŋanakomana, munofanira kugarisa mŋanasikana wake nhaka yake.

⁹ Kana asinomŋanasikana, munofanira kupa ʋakuru ʋake naʋanuŋuna ʋake nhaka yake.

¹⁰ Kana asinaʋakuru kana ʋanuŋuna, munofanira kupa ʋakuru kana ʋanuŋuna ʋaɓaɓa ʋake nhaka yake.

¹¹ Kana ɓaɓa ʋake ʋasinaʋakuru kana ʋanuŋuna, munofanira kupa hama yake yomumba nhaka yake, iʋe yake. Unofanira kuʋa mutemo wokutoŋga nawo pakati paʋana ʋaIsraeri, seɀakarairwa Mosesi naJehova.

Joshua muteʋeri waMosesi.

¹² Ɀino Jehova wakati kunaMosesi: Kwira pagomo iri reAbarimi, uʋone nyika yandakapa ʋana ʋaIsraeri.

¹³ Ipapo kana waiʋona, newe ʋo ucasoŋganiswa naʋanhu ʋako, seɀakasoŋganiswa mukuru wako Aroni;

¹⁴ nokuti makaramba shoko raŋgu murenje reZini, paŋguʋa yokurwa kweʋuŋgano, mukarega kunditsaura pamberi paʋo pamvura. (Ndiyo mvura yeMeriba paKadeshi, murenje reZini.)

¹⁵ Ɀino Mosesi akataura naJehova, akati:

¹⁶ Jehova, Mŋari wemŋeya yaʋanhu ʋose, ŋgaagadze murume paʋuŋgano iyi,

¹⁷ ucaɓuɗa pamberi paʋo, nokupinda pamberi paʋo, uŋgaʋaɓuɗisa nokuʋapinza; kuti ʋuŋgano yaJehova irege kuʋa samakwai asinomufudzi.

¹⁸ Ipapo Jehova akati kunaMosesi: Tora Joshua, mŋanakomana waNuni, murume unomŋeya mukati make, uise ruʋoko rwako pamsoro pake.

¹⁹ Umuise pamberi paEreazari muprista, napamberi peʋuŋgano yose, ugomurairira pamberi paʋo.

²⁰ Uise pamsoro pake ɀoʋukuru bgako, kuti ʋuŋgano yose yaʋana ʋaIsraeri imuterere.

²¹ Iye unofanira kumira pamberi pomuprista Ereazari, iye amuvunzire pamberi paJehova nokutoŋga kweUrimi; nokuraira kwake, ʋanofanira kuɓuɗa, nokuraira kwake, ʋanofanira kupinda, iye pamŋe cete naʋana ʋaIsraeri ʋose, ʋuŋgano yose.

²² Mosesi akaita seɀaakarairwa naJehova; akatora Joshua, akamuisa pamberi pomuprista Ereazari, napamberi peʋuŋgano yose;

²³ akaisa maʋoko ake pamsoro pake, akamurairira, seɀakataura Jehova nomuromo waMosesi.