Numeri 25 - Baiberi Magwaro Matȿene aMŋari 1949 (Doke)

ƲaIsraeri ʋanoita ʋupombge nokunamata ɀifananidzo paShitimi.

¹ Ɀino ʋaIsraeri ʋakagara paShitimi, ʋanhu ʋakataŋga kuita ʋupombge naʋanasikana ʋaMoabi;

² nokuti ʋakaɗana ʋanhu ʋaʋuye kuɀiɓayiro ɀaʋamŋari ʋaʋo; ʋanhu ʋakadya, ʋakafugamira ʋamŋari ʋaʋo.

³ ƲaIsraeri ʋakaɀisuŋganidza naBaari‐peori; Jehova akatsamŋira Israeri kwaɀo.

⁴ Ipapo Jehova akati kunaMosesi: Tora ʋakuru ʋose ʋaʋanhu, uʋasuŋgirire masikati makuru pamberi paJehova, kuti kutsamŋa kukuru kwaJehova kudzorwe kunaIsraeri.

⁵ Mosesi akati kuʋatoŋgi ʋaIsraeri: Mumŋe nomumŋe wenyu ŋgaaʋuraye ʋanhu ʋake ʋakaɀisuŋganidza naBaari‐peori.

⁶ Ɀino ʋonei mumŋe murume waʋana ʋaIsraeri akaʋuya kuhama dzake nomukadzi muMidiani, Mosesi neʋuŋgano yose yaʋana ʋaIsraeri ʋaciɀiʋona, iʋo ʋari pakucema pamukoʋa wetente rokusoŋgana.

⁷ Ɀino Pinehasi, mŋanakomana waEreazari, mŋanakomana womuprista Aroni, wakati aciɀiʋona, akasimuka, akaɓuɗa pakati peʋuŋgano anepfumo muruʋoko rwake,

⁸ akateʋera murume uyo muIsraeri mukati metente, akaʋaɓaya nepfumo nomuɗumbu, iʋo ʋaʋiri, murume muIsraeri nomukadzi; naiɀoɀo ɗenda rakaguma pakati paʋana ʋaIsraeri.

⁹ Ʋose ʋakaŋga ʋafa neɗenda iro ʋakaȿika ɀuru ɀinamakumi maʋiri neɀinna.

¹⁰ Ɀino Jehova akataura naMosesi, akati:

¹¹ Pinehasi, mŋanakomana waEreazari, mŋanakomana womuprista Aroni, wadzora kutsamŋa kwaŋgu kuʋana ʋaIsraeri; nokuti wakaŋga aneshuŋgu pakati paʋo, dzakafanana neshuŋgu dzaŋgu, naiɀoɀo handina‐kuparadza ʋana ʋaIsraeri neshuŋgu dzaŋgu.

¹² Naiɀoɀo uti: Tarira, ndinomupa suŋgano yaŋgu yorugare,

¹³ icaʋa kwaari nokuʋana ʋake ʋanomuteʋera suŋgano yoʋuprista bgusiŋgaperi; nokuti wakaŋga aneshuŋgu nokuɗa kwaMŋari wake, akayananisira ʋana ʋaIsraeri.

¹⁴ Zita romurume uyo muIsraeri wakaʋurawa, iye wakaʋurawa pamŋe cete nomukadzi muMidiani, rakaŋga riri Zimri, mŋanakomana waSaru, mucinda weimba yamadziɓaɓa pakati paʋaSimeoni.

¹⁵ Zita romukadzi muMidiani wakaʋurawa, rakaŋga riri Kozbi, mŋanasikana waZuri; iye wakaŋga ari mukuru waʋanhu weimba yamadziɓaɓa paʋaMidiani.

¹⁶ Ɀino Jehova wakataura naMosesi, akati:

¹⁷ Ʋambana naʋaMidiani, uʋaparadze;

¹⁸ nokuti iʋo ʋakaʋambana nemi namano aʋo, aʋakakunyeŋgerai nawo paneɀakaitwa paPeori neɀakaitwa naKozbi, mŋanasikana womucinda waʋaMidiani, hanɀadzi yaʋo, wakaʋurawa nomusi weɗenda nokuɗa kweɀakaitwa paPeori.