Numeri 24 - Baiberi Magwaro Matȿene aMŋari 1949 (Doke)

¹ Ɀino Barami wakati aciʋona kuti ɀakaŋga ɀicifadza Jehova kuropafadza Israeri, haana‐kuzoenda sapanedzimŋe ŋguʋa, kutȿaka ʋuŋaŋga, asi wakariŋgira kurenje,

² Barami akasimudza meso ake, akaʋona ʋaIsraeri ʋagere namarudzi aʋo; Mŋeya waMŋari akaʋuya pamsoro pake,

³ akataura nomufananidzo wake, akati: Ɀanzi naBarami, mŋanakomana waBeori, Ɀanzi nomurume wakaȿinudzwa meso ake,

⁴ Ɀanzi naiye unonzwa mashoko aMŋari, Iye unoʋona ɀinoratidzwa naWamasimba ose, Iye unowira pasi, aȿinudzwa meso ake:

⁵ Matente ako akanaka ɀikuru sei, iwe Jakobo, Nedzimba dzako, iwe Israeri!

⁶ Ʋakatasanurwa semipata, Seminda kunhiʋi dzorwizi, Samagaʋakaʋa akasimŋa naJehova, Semicindwe pedyo nemvura.

⁷ Mvura inobva paɀiroŋgo ɀake, Mbeu dzake dzicaʋa pamvura zhinji. Mambo wake ucakurira Agagi, Ʋushe bgake bgucakuriswa.

⁸ Mŋari wakamuɓuɗisa Egipita, Unesimba rakafanana nerenyati; Ucapedza ʋahedeni, iʋo ʋaʋeŋgi ʋake; Ucavuna‐vuna mafupa aʋo, Nokuʋabvoʋora nemiseʋe yake.

⁹ Unokotama, unoʋata pasi seshumba, Seshumbakadzi; ndianiko ucamumutsa? Mumŋe nomumŋe unokuropafadza, ŋgaaropafadzwe, Mumŋe nomumŋe unokutuka, ŋgaatukwe.

¹⁰ Ipapo Baraki akatsamŋira Barami kwaɀo, akaɓuɓudza maʋoko ake; Baraki akati kunaBarami: Ndakuɗana, kuti utuke ʋaʋeŋgi ʋaŋgu, asi tarira, waramba uciŋgoʋaropafadza katatu.

¹¹ Naiɀoɀo ɀino citiza hako kunɀimbo yako; nokuti ndakati ndicakukudza kwaɀo; asi tarira, Jehova wadziʋisa kukudzwa kwako.

¹² Barami akati kunaBaraki: Ko handina‐kutaura ʋo kunhume dzako, dzawakatuma kwandiri, ndiciti:

¹³ Kunyaŋge Baraki akandipa imba yake izere nesirveri nendarama, handiŋgagoni kuɗarika shoko raJehova, ndiite nomŋoyo waŋgu ɀakanaka kana ɀakaipa; ɀinotaurwa naJehova, ndiɀo ɀandicaita?

¹⁴ Ɀino tarira, ndinoenda haŋgu kurudzi rwaŋgu; ʋuya ndikuʋudze ɀicaitirwa ʋanhu ʋako naʋanhu aʋa pamazuʋa okupedzisira.

¹⁵ Akataura nomufananidzo wake, akati: Ɀanzi naBarami, mŋanakomana waBeori, Ɀanzi nomurume wakaȿinudzwa meso ake;

¹⁶ Ɀanzi naiye unonzwa mashoko aMŋari, Iye unoziʋa ziʋo yoWokuɗeŋgaɗeŋga, Iye unoʋona ɀinoratidzwa noWamasimba ose, Iye unowira pasi, aȿinudzwa meso ake:

¹⁷ Ndinomuʋona, asi handimuʋoni ɀino; Ndinomuʋona, asi handimuʋoneri pedyo; Nyeredzi icaɓuɗa kunaJakobo, Netȿimbo yoʋushe icabva kunaIsraeri; Icabvoʋora nyika yaMoabi, Nokuparadza ʋanakomana ʋose ʋeɓope.

¹⁸ Edomi icaʋa nhaka yake, NeSeiri ʋo icaʋa nhaka yake, ndiʋo ʋaʋeŋgi ʋake; Asi Israeri ucakunda.

¹⁹ Mumŋe, ucabva kunaJakobo, ucaʋa noʋushe, Ucaparadza ʋakasara muguta.

²⁰ Ɀino akatarira Amareki, akataura nomufananidzo wake, akati: Amareki ndiye wokutaŋga waʋahedeni, Asi pakupedzisira ucaparadzwa.

²¹ Ɀino akatarira ʋaKeniti, akataura nomufananidzo wake, akati: Ʋugaro bgako bgakasimba, Ƌendere rako rakateyiwa paɗombo.

²² Kunyaŋge ɀakaɗaro Kaini ucaparadzwa, Kusikira iwe ucitapxa naAshuri.

²³ Akataura nomufananidzo wake akati: Haiwa! ndianiko ucararama, kana Mŋari aciita saiɀoɀo?

²⁴ Asi ɀikepe ɀicabva kurutiʋi rweKitimi, Ɀicarwadza Ashuri, nokurwadza Eberi, Naiye ʋo ucaparadzwa.

²⁵ Ipapo Barami akasimuka, akadzokera kunɀimbo yake; naBaraki akaenda ʋo.