Numeri 21 - Baiberi Magwaro Matȿene aMŋari 1949 (Doke)

Nyoka yendarira.

¹ Ɀino mambo weAradi, muKanani, wakaŋga agere kunyika yeZasi, wakati anzwa kuti ʋaIsraeri ʋoʋuya nenzira yeAtarimi, akarwa naʋaIsraeri, akatapa ʋamŋe ʋaʋo.

² Ipapo ʋaIsraeri ʋakapikira Jehova mhiko, ʋakati: Kana mukapa ʋanhu aʋa mumaʋoko eɗu, ticaparadza maguta aʋo cose.

³ Jehova akaterera inzwi raʋaIsraeri, akaʋapa ʋaKanani; ʋakaʋaparadza cose namaguta aʋo; nɀimbo iyo ikanzi Horma.

⁴ Ɀino ʋakasimuka pagomo reHori, ʋakafamba nenzira inoenda kuGuŋgwa Dɀuku, kuti ʋanyenyeredze nyika yaEdomi; ʋanhu ʋakapera mŋoyo kwaɀo panzira.

⁵ Ipapo ʋanhu ʋakapopotera Mŋari naMosesi, ʋakati: Makatiɓuɗisireiko Egipita, kuti tifire murenje? Nokuti hapane‐ɀokudya, hapane‐mvura; mŋeya yeɗu inosema ɀokudya iɀi ɀakaipa.

⁶ Jehova akatuma nyoka dzinopeŋga pakati paʋanhu, dzikaruma ʋanhu, ʋanhu ʋazhinji ʋaIsraeri ʋakafa.

⁷ Ɀino ʋanhu ʋakaʋuya kunaMosesi, ʋakati: Takatadza, nokuti takapopotera Jehova nemi; kumbirai kunaJehova kuti abvise nyoka kwatiri. Mosesi akakumbirira ʋanhu.

⁸ Ipapo Jehova akati kunaMosesi: Uɀiitire nyoka inopeŋga, ugoiturika paɗanda; ɀino mumŋe nomumŋe wakarumŋa kana akaitarira, ucararama.

⁹ Mosesi akaita nyoka yendarira, akaiturika paɗanda; ɀino mumŋe nomumŋe wakati kana arumŋa, akatarira nyoka iyo yendarira, wakararama.

¹⁰ Ʋana ʋaIsraeri ʋakafamba, ʋakandodzika matente aʋo paOboti.

¹¹ Ʋakabva Oboti, ʋakandodzika matente aʋo paIje‐abarimi, murenje riri pamberi paMoabi, kumabvazuʋa.

¹² Ʋakafamba ʋacibva ipapo, ʋakandodzika matente aʋo pamupata weZeredi.

¹³ Ʋakafamba ʋacibva ipapo, ʋakandodzika matente aʋo kumhiri kwaArnoni, rwizi rwaiʋa murenje, rwaibva kunyika yaʋaAmori; nokuti Arnoni ndiwo muganho waʋaMoabi, pakati paMoabi naʋaAmori.

¹⁴ Naiɀoɀo pabuku yeHondo dzaJehova panoti: Vahebi paSufa, Nemipata yaArnoni,

¹⁵ Nemikwidzwa yemipata Inorerekera kunɀimbo yeAri, Inosendamira pamuganho waMoabi.

¹⁶ Ʋakafamba ʋacibva ipapo, ʋakaenda Beeri; ndiro tsime rakanzi naJehova kunaMosesi: Ʋuŋganidza ʋanhu, ndicaʋapa mvura.

¹⁷ Ɀino ʋaIsraeri ʋakaimba rwiyo urwu: Civaira, iwe tsime; imi muriimbire;

¹⁸ Ndiro tsime rakacerwa namacinda, Rakacerwa naʋakuru ʋaʋanhu Netȿimbo yoʋushe, ʋuye netȿimbo dzaʋo. Ʋakabva murenje, ʋakaenda Matana;

¹⁹ ʋakabva Matana, ʋakaenda Naharieri; ʋakabva Naharieri, ʋakaenda Bamoti;

²⁰ ʋakabva Bamoti, ʋakaenda kumupata uri kuɓani raMoabi, kuȿikira kumusoro wegomo rePisga, rinotarira pasi kurenje.

²¹ Ɀino ʋaIsraeri ʋakatuma nhume kunaSihoni, mambo waʋaAmori, ʋaciti:

²² Nditendere kupfuʋura napanyika yako; hatiŋgatsaukiri kumunda kana kumunda wemizambiriŋga; hatiŋganwi mvura yamatsime; ticafamba nenzira huru yamambo, kuȿikira taɓuɗa panyika yako.

²³ Asi Sihoni wakaramba kutendera ʋaIsraeri kupfuʋura napanyika yake; Sihoni akaʋuŋganidza ʋanhu ʋake ʋose, akaenda kurenje kundorwa naʋaIsraeri, akaȿika paJahazi; akarwa naʋaIsraeri.

²⁴ Asi ʋaIsraeri ʋakamukunda neminondo inopinza, ʋakatora nyika yake kubva paArnoni kuȿikira paJaboki, kuȿikira paʋana ʋaAmoni; nokuti muganho waʋana ʋaAmoni wakaŋga wakasimba.

²⁵ Naiɀoɀo ʋaIsraeri ʋakakunda maguta iwayo ose; ʋaIsraeri ʋakagara mumaguta ose aʋaAmori, muHeshboni napamisha yaro yose.

²⁶ Nokuti Heshboni rakaŋga riri guta raSihoni, mambo waʋaAmori, iye wakaŋga arwa namambo wokutaŋga waMoabi, akamutorera nyika yake yose kuȿikira paArnoni.

²⁷ Naiɀoɀo ʋanotaura neshumo ʋanoti: Ʋuyai muHeshboni, Guta raSihoni ŋgariʋakwe, risimbiswe;

²⁸ Nokuti mŋoto wakaɓuɗa muHeshboni, Nomuraɀo paguta raSihoni, Ukaparadza Ari waMoabi, Madzishe enɀimbo dzakakwirira dzaArnoni.

²⁹ Unenhamo iwe Moabi! Mapera imi ʋanhu ʋeKemoshi; Wakapa Sihoni ʋanakomana ʋake ʋatize, Naʋanasikana ʋake ʋatapxe, Sihoni, mambo waʋaAmori.

³⁰ Takaʋafura; Heshboni raparadzwa kuȿikira paDiboni, Takaparadza kuȿikira paNofa, Mŋoto ukaȿika paMedeba.

³¹ Naiɀoɀo ʋaIsraeri ʋakagara munyika yaʋaAmori.

³² Ɀino Mosesi akatuma ʋanhu kundoshora Jazeri, ʋakakunda misha yaro, ʋakadziŋga ʋaAmori ʋakaŋga ʋagere’mo.

³³ Ipapo ʋakadzoka, ʋakakwira nenzira inoenda Bashani; ɀino Ogi, mambo weBashani, akaʋuya kuzorwa naʋo paEdrei, iye naʋanhu ʋake ʋose.

³⁴ Ipapo Jehova akati kunaMosesi: Usamutya hako, nokuti ndakamupa mumaʋoko ako, iye naʋanhu ʋake ʋose, nenyika yake; unofanira kumuitira iye seɀawakaitira Sihoni, mambo waʋaAmori, waigara paHeshboni.

³⁵ Naiɀoɀo ʋakamukunda, iye naʋanakomana ʋake ʋose, kudzimana asina‐kusarirwa nomumŋe; ʋakatora nyika yake.