Numeri 16 - Baiberi Magwaro Matȿene aMŋari 1949 (Doke)

Kora, Datani naAbirami ʋanomukira Mosesi naAroni.

¹ Ɀino Kora, mŋanakomana waIzari, mŋanakomana waKohati, mŋanakomana waRevi, naDatani naAbirami, ʋanakomana ʋaEriabi, naOni, mŋanakomana waPereti, ʋanakomana ʋaRubeni, ʋakatora ʋarume,

² ʋakamukira Mosesi, ʋanaʋamŋe ʋaʋana ʋaIsraeri, ʋaiʋa ʋakuru ʋeʋuŋgano ʋanamazana maʋiri namakumi mashanu, ʋakaŋga ʋakaɗanwa kumakurukota, ʋarume ʋakaŋga ʋakakurumbira;

³ ʋakaʋuŋganira kunaMosesi naAroni, ʋakati kwaʋari: Ɀariŋgana, nokuti ʋanhu ʋose ʋeʋuŋgano ʋatȿene, mumŋe nomumŋe waʋo; Jehova uri pakati paʋo; imi munoɀikudzireiko pamakurukota aJehova?

⁴ Mosesi wakati aciɀinzwa, akawira pasi neciso cake;

⁵ akataura naKora neɓoka rake rose, akati: Maŋgwana Jehova ucaratidza kuti ʋanhu ʋake ndiʋanani, ʋuye kuti mutȿene ndiani, ʋuye kuti ndiani waacasweɗedza kwaari; iye waanotsaura, ndiye waacazosweɗedza kwaari.

⁶ Itai kuɗai: Torai haryana dzeɀinonhuwira, iwe Kora, naʋeɓoka rako rose;

⁷ maŋgwana muise mŋoto mukati madzo, nokuisa ʋo ɀinonhuwira pamsoro padzo pamberi paJehova; ɀino munhu unotsaurwa naJehova, ndiye ucaʋa mutȿene. Ɀariŋgana, imi ʋanakomana ʋaRevi.

⁸ Mosesi akati ʋo kunaKora: Tererai, imi ʋanakomana ʋaRevi:

⁹ Ko munoti cinhu ciɗuku kuti Mŋari waIsraeri wakakutsaurai paʋuŋgano yaIsraeri, kuti akusweɗedzei kwaari, kuti muɓate ɓasa retabernakeri yaJehova, nokumira pamberi peʋuŋgano, nokuʋaɓatira,

¹⁰ akakusweɗedza, nehama dzako dzose, ʋanakomana ʋaRevi, pamŋe cete newe here? Ɀino motȿaka ʋuprista ʋo here?

¹¹ Naiɀoɀo iwe neɓoka rako rose maʋuŋgana kuzorwa naJehova; Aroni ndianiko, ɀamunomupopotera iye?

¹² Ipapo Mosesi akatuma munhu kundoɗana Datani naAbirami, ʋanakomana ʋaEriabi; asi iʋo ʋakati: Hatiɗi kukwira’ko.

¹³ Cinhu ciɗuku here ɀawakatiɓuɗisa munyika inoyerera mukaka noʋuci, kuti utiʋurayire murenje; ɀino woɗo‐kuɀiita ishe pamsoro peɗu here?

¹⁴ Ʋuye hauna‐kutiisa munyika inoyerera mukaka noʋuci, kana kutipe‐nhaka yeminda neyeminda yemizambiriŋga; ɀino unoɗa kutumbura meso aʋanhu aʋa here? Hatiɗi kukwira’ko.

¹⁵ Ipapo Mosesi akatsamŋa kwaɀo, akati kunaJehova: Musagamucira cipiriso caʋo; handina‐kuʋatorera mboŋgoro imŋe, handina‐kuitira mumŋe waʋo ɀakaipa.

¹⁶ Ipapo Mosesi akati kunaKora: Iwe neɓoka rako rose, ʋuyai pamberi paJehova maŋgwana, iwe, naiʋo, naAroni;

¹⁷ mumŋe nomumŋe atore haryana yake yeɀinonhuwira, muise ɀinonhuwira mukati madzo, muʋuye nadzo pamberi paJehova, mumŋe nomumŋe haryana yake yeɀinonhuwira, haryana dzinamazana maʋiri namakumi mashanu; newe ʋo, naAroni, mumŋe nomumŋe haryana yake.

¹⁸ Ɀino mumŋe nomumŋe wakatora haryana yake, akaisa mŋoto mukati mayo, akaisa ʋo ɀinonhuwira pamsoro padzo, akandomira pamukoʋa wetente rokusoŋgana, pamŋe cete naMosesi naAroni.

¹⁹ Kora akaʋuŋganidza ʋuŋgano yose pamukoʋa wetente rokusoŋgana; kubginya kwaJehova kukaʋonekwa neʋuŋgano yose.

²⁰ Ipapo Jehova akataura naMosesi naAroni, akati:

²¹ Ɀitsaurei imi paʋuŋgano iyi, ndiʋaparadze pakarepo.

²² Ɀino ʋakawira pasi neɀiso ɀaʋo, ʋakati: Haiwa, Mŋari, Mŋari wemŋeya yaʋanhu ʋose, ko kana munhu mumŋe akatadza, muŋgatsamŋira ʋuŋgano yose here?

²³ Ipapo Jehova akataura naMosesi, akati:

²⁴ Taura neʋuŋgano, uti: Ibvai patabernakeri yaKora, naDatani, naAbirami.

²⁵ Ipapo Mosesi akasimuka, akaenda kunaDatani naAbirami; ʋakuru ʋaIsraeri ʋakamuteʋera.

²⁶ Akataura neʋuŋgano, akati: Ibvai pamatente aʋarume aʋa ʋakaipa, musatoŋgoɓata cinhu caʋo, kuti murege kuparadzwa paɀiʋi ɀaʋo ɀose.

²⁷ Naiɀoɀo ʋakabva patabernakeri yaKora, naDatani, naAbirami, kumatiʋi ose; Datani naAbirami ʋakaɓuɗa, ʋakandomira pamikoʋa yamatente aʋo naʋakadzi ʋaʋo naʋana ʋaʋo, neɀana ɀaʋo ɀiɗuku.

²⁸ Ɀino Mosesi akati: Mucaziʋa neɀiɀi kuti Jehova wakandituma kuti ndiite maɓasa awa ose; nokuti handina‐kuaita nokuɗa kwaŋgu.

²⁹ Kana ʋarume aʋa ʋakafa saʋamŋe ʋanhu ʋose, kana ɀimŋe ʋakaȿikirwa neɀinoȿikira ʋamŋe ʋanhu ʋose, Jehova haana‐kundituma.

³⁰ Asi kana Jehova akasika cinhu citȿa, nyika ikashamisa muromo wayo, ikaʋamedza, iʋo neɀose ɀaʋo, ʋakaɓurukira mubgiro ʋari ʋapenyu, ipapo mucaziʋa kuti ʋarume aʋa ʋakaɀidza Jehova.

³¹ Ɀino wakati apedza kutaura mashoko awa ose, pasi paʋo pakatsemuka,

³² nyika ikashamisa muromo wayo, ikaʋamedza, iʋo nemhuri dzaʋo, naʋanhu ʋose ʋakaŋga ʋari ʋaKora, nenhumbi dzaʋo dzose.

³³ Naiɀoɀo iʋo, neɀose ɀaʋo, ʋakaɓurukira kubgiro ʋari ʋapenyu; ivu rikaʋafukidza, ʋakaparadzwa pakati peʋuŋgano.

³⁴ Ipapo ʋaIsraeri ʋose ʋakaŋga ʋakaʋakomba ʋakatiza nokucema kwaʋo, nokuti ʋakati: Nyika irege kutimedza ʋo.

³⁵ Ipapo mŋoto ukaɓuɗa kunaJehova, ukaparadza ʋarume aʋo ʋaiʋa namazana maʋiri namakumi mashanu, ʋakaŋga ʋacipisira ɀinonhuwira.

³⁶ Ɀino Jehova akataura naMosesi, akati:

³⁷ Taura naEreazari, mŋanakomana waAroni muprista, kuti anoŋge haryana dzeɀinonhuwira pakati pomŋoto, iwe uparadzire mŋoto kure, nokuti haryana itȿene;

³⁸ idzo haryana dzeɀinonhuwira dzaʋanhu aʋo ʋakatadza ʋakaʋurawa, dzipambadzirwe, kufukidza artari nadzo; nokuti ʋakaŋga ʋaʋuya nadzo pamberi paJehova, naiɀoɀo itȿene; cicaʋa ciratidzo kuʋana ʋaIsraeri.

³⁹ Ɀino muprista Ereazari wakatora haryana dzeɀinonhuwira dzendarira, dzakaŋga dzaʋuyiswa naʋakazopiswa, akadzipambadzira kuti artari ifukidzwe nadzo;

⁴⁰ kuti ciʋe ciraŋgaridzo kuʋana ʋaIsraeri, kuti mutorwa, usati ari worudzi rwaAroni, arege kusweɗera kuti apise ɀinonhuwira pamberi paJehova, arege kuzoitirwa saKora neɓoka rake; seɀakataura Jehova naye nomuromo waMosesi.

⁴¹ Fume maŋgwana ʋuŋgano yose yaʋana ʋaIsraeri yakapopotera Mosesi naAroni, ʋaciti: Imi makaʋuraya ʋanhu ʋaJehova.

⁴² Ɀino ʋuŋgano yakati yaʋuŋgana kuzorwa naMosesi naAroni, ʋakatarira kutente rokusoŋgana, ʋakaʋona kuti gore rarifukidza, nokubginya kwaJehova kukaʋonekwa.

⁴³ Ipapo Mosesi naAroni ʋakandomira pamberi petente rokusoŋgana,

⁴⁴ Jehova akataura naMosesi, akati:

⁴⁵ Ibvai paʋuŋgano iyi, ndiʋaparadze pakarepo. Iʋo ʋakawira pasi neɀiso ɀaʋo.

⁴⁶ Mosesi akati kunaAroni: Tora haryana yako yeɀinonhuwira, uise mŋoto unobva paartari mukati mayo, nokuisa ʋo ɀinonhuwira pamsoro payo, ukurumbidze kuenda naɀo kuʋuŋgano, uʋayananisire; nokuti Jehova watsamŋa, ɗenda rataŋga.

⁴⁷ Aroni akaitora, seɀakataura Mosesi, akamhanyira pakati peʋuŋgano, ʋonei ɗenda rakaŋga rataŋga pakati paʋanhu; akaisa ɀinonhuwira pamsoro payo, akayananisira ʋanhu.

⁴⁸ Akandomira pakati paʋakafa naʋapenyu, ɗenda rikaguma.

⁴⁹ Ɀino ʋakaŋga ʋafa neɗenda ʋakaȿika ɀuru ɀinegumi neɀinna namazana manomŋe, ʋakaŋga ʋafa nokuɗa kwaKora ʋasiŋgaʋereŋgwi.

⁵⁰ Ipapo Aroni akadzokera kunaMosesi kumukoʋa wetente rokusoŋgana, ɗenda rikaguma.