Numeri 12 - Baiberi Magwaro Matȿene aMŋari 1949 (Doke)

Miriami unorobga namaperembudzi, nokuti iye naAroni ʋakamukira Mosesi.

¹ Ɀino Miriami naAroni ʋakapopotera Mosesi nokuɗa kwomukadzi waiʋa muKushi, waakaŋga awana; nokuti wakaŋga awana mukadzi waiʋa muKushi.

² Ʋakati: Ko Jehova wakataura naMosesi iye oga here? Ko haana‐kutaura nesu ʋo here? Jehova akaɀinzwa.

³ Ɀino munhu uyu Mosesi wakaŋga ari munhu munyoro kwaɀo, kupfuʋura ʋanhu ʋose ʋaiʋa panyika.

⁴ Jehova akataura pakarepo naMosesi naAroni naMiriami, akati: Ƃuɗai imi ʋatatu kutente rokusoŋgana. Iʋo ʋatatu ʋakaɓuɗa.

⁵ Ipapo Jehova akaɓuruka mushoŋgwe yegore, akamira mumukoʋa wetente rokusoŋgana, akaɗana Aroni naMiriami; iʋo ʋaʋiri ʋakaɓuɗa.

⁶ Ɀino akati: Tererai mashoko aŋgu; kana kunomuprofita pakati penyu, ini Jehova ndicaɀiziʋisa kwaari neciratidzo, ndicataura naye nokurota hope.

⁷ Muranda waŋgu Mosesi haana‐kuɗaro; wakatendeka paimba yaŋgu yose.

⁸ Iye ndicataura naye nomuromo, pacena, ndisiŋgatauri namashoko asiŋganzwisiswi; iye ucaʋona Jehova kuti wakaɗini; naiɀoɀo makaregereiko kutya kupopotera muranda waŋgu Mosesi?

⁹ Ipapo kutsamŋa kwaJehova kwakaʋamukira, iye akabva.

¹⁰ Gore rikabva pamsoro petente rokusoŋgana, ʋonei Miriami waʋa namaperembudzi, akacena secando; Aroni akatarira Miriami, ʋonei waʋa namaperembudzi.

¹¹ Ɀino Aroni akati kunaMosesi: Haiwa, Ishe waŋgu, musaisa mhoȿa yeɀiʋi pamsoro peɗu, kunyaŋge takaita heɗu noʋupenzi, tikatadza.

¹² Ŋgaarege kuʋa somŋana wakaɓerekwa akafa, imŋe nyama yake yakaʋora pakuɓuɗa kwake paɗumbu ramai ʋake.

¹³ Ɀino Mosesi akacema kunaJehova, akati: Haiwa Mŋari, ɗomuporesai henyu.

¹⁴ Jehova akati kunaMosesi: Ƌai ɓaɓa ʋake ʋakaŋga ʋamupfira mate kuciso cake, haazaifanira kunyara mazuʋa manomŋe here? Ŋgaaɓuɗiswe kunze kwemisasa mazuʋa manomŋe, agopinzwa pashure.

¹⁵ Ipapo Miriami akaɓuɗiswa kunze kwemisasa mazuʋa manomŋe, ʋanhu ʋakasafamba, kuȿikira Miriami adzoswa ɀe.

¹⁶ Shure kwaiɀoɀo ʋanhu ʋakasimuka ʋakabva Hazeroti, ʋakandodzika matente aʋo murenje reParani.