Mika 1 - Baiberi Magwaro Matȿene aMŋari 1949 (Doke)

Israeri naJuda ʋacaparadzwa nokuɗa kweɀiʋi ɀaʋo.

¹ Shoko raJehova, rakaʋuya kunaMika weMoresheti namazuʋa aJotami naAhazi naHezekia, madzimambo aJuda, raakaʋona pamsoro peSamaria neJerusarema.

² Inzwai imi marudzi aʋanhu, imi mose; terera iwe nyika, neɀose ɀiri’mo; Ishe Jehova ŋgaakupupurirei, iye Ishe ari mutembere yake tȿene.

³ Nokuti tarirai, Jehova unoɓuɗa panɀimbo yake, ucaɓuruka nokutsika panɀimbo dzakakwirira dzenyika.

⁴ Makomo acanyauka pasi pake, mipata icapamuka senamo yakaiswa pamŋoto, semvura inoɗururwa pamawere.

⁵ Ɀose iɀi ɀinoitwa nokuɗa kwokuɗarika kwaJakobo, ʋuye nokuɗa kweɀiʋi ɀeimba yaIsraeri. Kuɗarika kwaJakobo ndokweiko? Harizi Samaria here? Nɀimbo dzakakwirira dzaJuda ndedzipiko? Harizi Jerusarema here?

⁶ Saka Samaria ndicariita somurwi wamabge musaŋgo, senɀimbo dziŋgasimŋa mizambiriŋga; ndicakandira mabge aro mumupata, ndicifukunura nheyo dzaro.

⁷ Mifananidzo yaro yose yakaʋezwa icaputswa‐putswa, miɓairo yaro yose icapiswa nomŋoto, ʋuye ndicaparadza ɀifananidzo ɀaro ɀose; nokuti rakaɀiʋuŋganidza iɀo uri muɓairo wecifeʋe, naiɀoɀo ɀicadzokera ɀe kumuɓairo wecifeʋe.

⁸ Nemhaka iyi ndicacema nokuwuŋgudza, ndicafamba ndisineŋguʋo ndakashama, ndicawuŋgudza samakaʋa nokurira semhou.

⁹ Nokuti maʋaŋga aro haaɗi kupora, nokuti ɀaȿika kunaJuda ʋo; ɀaȿikira pasuʋo raʋanhu ʋaŋgu, ipo paJerusarema.

¹⁰ Musaɀireʋa paGati, regai kutoŋgocema; paBeti‐re‐Afra ndakaʋumburuka muguruʋa.

¹¹ Cibva uende, iwe ugere Shafiri, wakashama ucinyara; ugere Zaanani haana‐kuɓuɗa; kuwuŋgudza kweBeti‐ezeri kucakutorera pokumira.

¹² Nokuti ugere Maroti unomirira ɀikuru cinhu cakanaka, nokuti ɀakaipa ɀakaɓuruka ɀicibva kunaJehova ɀikaȿikira kusuʋo reJerusarema.

¹³ Iwe ugere Rakishi, suŋga mabiza paŋgoro; ndiro rakataŋga kuisa mukunda weZioni paɀiʋi, nokuti kuɗarika kwaIsraeri kwakawanikwa mauri.

¹⁴ Saka iwe ucapa Moresheti‐gati cipo cokuwonekana; dzimba dzeAkzibi dzicaʋa cinhu cinonyeŋgera madzimambo aIsraeri.

¹⁵ Iwe ugere Maresha, ndicakuʋuyisira mumŋe ucakukunda; ʋakakudzwa ʋaIsraeri ʋacaȿika paAdurami.

¹⁶ Ɀiitire mhazha, ʋeʋura vudzi rako pamsoro paʋana ʋaunofarira; kurisa mhazha yako seyegondo, nokuti ʋakatapxa kure newe.