Mapisarema 7 - Baiberi Magwaro Matȿene aMŋari 1949 (Doke)

Davidi unokumbira kuti Jehova amururamisire.

Rwiyo rwaDavidi rwaakaimbira Jehova nokuɗa kwamashoko aKushi, muBenjamini.

¹ Jehova Mŋari waŋgu, ndinoʋimba nemi; Ndiponesei kunaʋose ʋanonditeʋerera, mundirwirei;

² Kuti arege kubvambura mŋeya waŋgu seshumba, Aubvamburanye, ndicishaiwa unondirwira.

³ Jehova Mŋari waŋgu, kana ndiciŋge ndakaita iɀoɀi; Kana ɀakaipa ɀiri’mo mumaʋoko aŋgu;

⁴ Kana ndiciŋge ndakaitira ɀakaipa munhu waiʋa noʋukama neni; (Iɀo, ndakarwira waiʋa mudziʋisi waŋgu ndisinemhoȿa;)

⁵ Muʋeŋgi ŋgaateʋerere mŋeya waŋgu, auɓate; Ŋgaatsikire ʋupenyu bgaŋgu pasi, Aise kukudzwa kwaŋgu muguruʋa.

⁶ Simukai Jehova, pakutsamŋa kwenyu, Simukirai hasha dzaʋadziʋisi ʋaŋgu; Mumuke nokuɗa kwaŋgu; ndimi makaraira kuti ɀakarurama ɀiitwe.

⁷ Ʋuŋgano yendudzi dzaʋanhu ŋgaikupoteredzei; Mudzokere kumsoro pamsoro paʋo.

⁸ Jehova unotoŋga ndudzi dzaʋanhu; Nditoŋgei Jehova sokururama kwaŋgu, ʋuye neɀokwaɗi iri mandiri.

⁹ Haiwa, kuipa kwaʋakaipa ŋgakugume, asi simbisai wakarurama; Nokuti Mŋari, wakarurama, unoidza mŋoyo netȿo.

¹⁰ Nhoʋo yaŋgu iri kunaMŋari, Iye unoponesa ʋanemŋoyo yakarurama.

¹¹ Mŋari mutoŋgi wakarurama, Ɀirokwaɀo, ndiMŋari unoȿotwa zuʋa rimŋe nerimŋe.

¹² Kana munhu asiŋgatendeʋuki, iye ucarodza munondo wake; Wakakuŋga ʋuta bgake, akaʋugadzira.

¹³ Wakaɀigadzirira ʋo nhumbi dzokuʋuraya nadzo; Unoɀiitira miseʋe inopisa.

¹⁴ Tarira, unotambudzika pakuɓereka ɀakaipa; Ɀirokwaɀo, wakaʋa nemimba yeɀakashata, akaɓereka nhema.

¹⁵ Wakacera hunza, akaidzikisa, Akawira mugomba raakacera iye.

¹⁶ Ɀakashata ɀake ɀicadzokera pamusoro wake amene, Ʋuye kumanikidza kwake kucaʋuya pamsoro peɗehenya rake.

¹⁷ Ndicaʋoŋga Jehova nokuɗa kwokururama kwake; Ndicaimbira zita raJehova Wokumsoro‐soro.