Mapisarema 6 - Baiberi Magwaro Matȿene aMŋari 1949 (Doke)

Davidi unocema ɀiʋi ɀake.

Kumutuŋgamiriri wenziyo; nemiteŋgeranwa, namanzwi aʋarume. Pisarema raDavidi.

¹ Haiwa Jehova, regai kundiraira pakutsamŋa kwenyu, Musandiroʋa nokusafara kwenyu kukuru.

² Ndinzwirei nyasha, Jehova; nokuti ndawonda; Ndiporisei, Jehova; nokuti mafupa aŋgu anotambudzika.

³ Mŋeya waŋgu unotambudzika ʋo ɀikuru; Asi imi Jehova, mucanonoka kuȿikira riniko?

⁴ Dzokai Jehova, murwire mŋeya waŋgu; Ndiponesei nokuɗa kwoʋunyoro bgenyu.

⁵ Nokuti parufu hapana‐ucakuraŋgarirai; Ndiani ucakuʋoŋgai paSheori?

⁶ Ndaneta nokugomba kwaŋgu; Ʋusiku ʋumŋe noʋumŋe ndinoshambirisa nhoʋo dzaŋgu; Ndinonyoroɀa mubeda waŋgu nemisodzi yaŋgu.

⁷ Ziso raŋgu rapera nokucema, Rinosakara nokuɗa kwaʋadziʋisi ʋaŋgu.

⁸ Ibvai kwandiri, imi ʋaɓati ʋose ʋeɀakaipa; Nokuti Jehova wakanzwa inzwi rokucema kwaŋgu.

⁹ Jehova wakanzwa kukumbira kwaŋgu; Jehova ucagamucira munyeŋgetero waŋgu.

¹⁰ Ʋaʋeŋgi ʋaŋgu ʋose ʋacanyadzwa nokutambudzika ɀikuru; Ʋacadzoka, ʋacanyadzwa pakarepo.