Mapisarema 20 - Baiberi Magwaro Matȿene aMŋari 1949 (Doke)

Munyeŋgetero kuti mambo akunde.

Kumutuŋgamiriri wokuimba. Pisarema raDavidi.

¹ Jehova ŋgaakupindure nomusi wokutambudzika; Zita raMŋari waJakobo ŋgarikuise pakakwirira;

² Ŋgaakutumire ruɓatsiro runobva panɀimbo tȿene, Akutsigire nesimba rinobva Zioni.

³ Ŋgaaraŋgarire ɀipiriso ɀako ɀose, Agamucire ɀiɓayiro ɀako ɀinopiswa;

⁴ Ŋgaakupe ɀinoɗikanwa nomŋoyo wako, Ŋgaaite seɀawakafuŋga.

⁵ Ticafara kwaɀo nokukunda kwenyu, Ticasimudza mireza yeɗu nezita raMŋari weɗu; Jehova ŋgaaite ɀose ɀawakakumbira.

⁶ Ɀino ndinoziʋa kuti Jehova unoponesa muzodziwa wake; Ucamupindura ari kuɗeŋga kwake kutȿene Nesimba roruʋoko rwake rworudyi, rinoponesa.

⁷ Ʋamŋe ʋanoʋimba neŋgoro, ʋamŋe namabiza; Asi isu ticareʋa zita raJehova Mŋari weɗu.

⁸ Iʋo ʋakotamiswa, ʋawira pasi; Asi isu tasimuka, timire ɀakanaka.

⁹ Ponesai, Jehova; Mambo ŋgaatipindure kana ticiɗana.