Mapisarema 17 - Baiberi Magwaro Matȿene aMŋari 1949 (Doke)

Davidi unocema kuti arwirwe kuʋaʋeŋgi ʋake.

Munyeŋgetero waDavidi.

¹ Inzwai ɀakarurama Jehova, muterere kucema kwaŋgu; Rerekerai nzeʋe dzenyu kumunyeŋgetero waŋgu, unobva pamiromo isiŋganyeŋgeri.

² Kutoŋgwa kwaŋgu ŋgakubve pamberi penyu; Meso enyu ŋgaatarire ɀakarurama.

³ Makaidza mŋoyo waŋgu; makandishanyira ʋusiku; Makandiidza, mukasawana kufuŋga kwakaipa mandiri; Ndakaɀisuŋga kuti muromo waŋgu urege kuɗarika.

⁴ Kana ari maɓasa aʋanhu, neshoko remiromo yenyu Ini ndakanɀeŋga nzira dzomuparadzi.

⁵ Kutsika kwaŋgu kwakarambira panzira dzenyu, Tsoka dzaŋgu hadzina‐kutedzemuka.

⁶ Ini ndakaɗana kwamuri, nokuti mucandipindura, imi Mŋari; Rerekerai nzeʋe dzenyu kwandiri, munzwe kutaura kwaŋgu.

⁷ Ratidzai ʋunyoro bgenyu ʋunoshamisa, imi, munoponesa ʋanoʋimba nemi, Imi munoponesa noruʋoko rwenyu rworudyi, aʋa ʋanoʋimba nemi Kunaʋanoʋamukira simba.

⁸ Ndiceŋgetei semboni yeziso renyu, Ndiʋanzei pasi pomumvuri wamapapiro enyu,

⁹ Kunaʋakaipa, ʋanondiparadza, Iʋo ʋaʋeŋgi ʋaŋgu ʋakaipa, ʋanondikomba.

¹⁰ Ʋakadziʋira mŋoyo yaʋo; Ʋanotaura ʋaciɀikudza nemiromo yaʋo.

¹¹ Ʋakatikomba ɀino pakufamba kweɗu; Ʋanocerekedza nameso aʋo kuti ʋatiwisire pasi.

¹² Wakafanana neshumba inokarira kuparadza, Uneŋge somŋana weshumba inoʋandira panɀimbo dzakaʋanda.

¹³ Simukai, Jehova, Mirai pamberi pake, mumuwisire pasi; Rwirai mŋeya waŋgu nomunondo wenyu kunaʋakaipa;

¹⁴ Kuʋanhu, noruʋoko rwenyu imi Jehova, Kuʋanhu ʋenyika, ʋanomugoʋe waʋo paʋupenyu ubgu, Ʋamunozadza ɗumbu raʋo nefuma yenyu; Ʋanaʋana ʋazhinji, Ʋanosiyira ʋacece ʋaʋo ɀakasara ɀefuma yaʋo.

¹⁵ Ini ndicaʋona ciso cenyu pakururama; Ndicaguta nomufananidzo wenyu pakumuka kwaŋgu.