Mapisarema 12 - Baiberi Magwaro Matȿene aMŋari 1949 (Doke)

Davidi unotȿaka kuɓatsirwa naMŋari, nokuti ʋanhu ʋanyeŋgeri.

Kumutuŋgamiriri wokuimba; namanzwi aʋarume. Pisarema raDavidi.

¹ Ƃatsirai, Jehova; nokuti ʋanoɗa Mŋari ʋopera; Nokuti ʋakatendeka haʋaci’po pakati paʋana ʋaʋanhu.

² Ʋanotaura mumŋe nomumŋe ɀisinamaturo nowokwake; Ʋanotaura nomuromo unoɓata kumeso, ʋuye nemŋoyo miʋiri.

³ Jehova ucagura miromo yose inoɓata kumeso, Norurimi runotaura ɀinhu ɀikuru;

⁴ Iʋo ʋakati: Ticakunda norurimi rweɗu; Miromo yeɗu ndeyeɗu pamakanda; ndianiko uŋgaʋa ishe weɗu?

⁵ Nokuɗa kwokumanikidzwa kwaʋarombo, nokugomera kwaʋanoshaiwa, Ndicamuka ɀino nokuɗa kwaiɀoɀo: ndiɀo ɀinotaura Jehova; Ndicamuisa pakasimba ipo paanoshuʋa.

⁶ Mashoko aJehova mashoko akacena; Sesirveri yakaidzwa muɓisiro panyika, Yakanatswa kanomŋe.

⁷ Mucaʋaceŋgeta, Jehova, Mucaʋaceŋgeta parudzi urwu nokusiŋgaperi.

⁸ Ʋakaipa ʋanofamba pamatiʋi ose, Kana ɀakashata ɀicikudzwa pakati paʋanakomana ʋaʋanhu.