Isaya 1 - Baiberi Magwaro Matȿene aMŋari 1949 (Doke)

Jehova unoraira ʋanhu ʋake nokuti ʋakasiya nzira dzake.

¹ Ɀakaʋonekwa naIsaya, mŋanakomana waAmozi, ɀaakaʋona pamsoro paJuda neJerusarema, pamazuʋa aUziya, naJotami, naAhazi, naHezekiya, madzimambo aʋaJuda.

² Inzwa ɗeŋga rose, terera iwe nyika, nokuti Jehova wakataura, aciti: Ndakarera nokukurisa ʋana, asi ʋakandimukira.

³ Nzombe inoziʋa mŋene wayo, nemboŋgoro inoziʋa cidyiro caʋatenzi ʋayo; asi Israeri haʋaziʋi, ʋanhu ʋaŋgu haʋaraŋgariri.

⁴ Haiwa, rudzi runotadza, ʋanhu ʋakaremerwa neɀakaipa, ʋana ʋaʋaiti ʋeɀakaipa, ʋana ʋanoita ɀakaʋora! Ʋakasiya Jehova, ʋakashoʋora Mutȿene waIsraeri, ʋadzokera shure.

⁵ Munoɗa kugara muciroʋerweiko, ɀamunoŋgoramba mucimukira Jehova? Musoro wose unorwadza, nomŋoyo wose waziya.

⁶ Kubvira parutsoka kuȿikira kumusoro hapanapakukutu pauri; asi maronda, napakakuʋara, namaʋaŋga matȿa; haanakuȿinwa, haana‐kuputirwa, kana kunyoroʋeswa namafuta.

⁷ Nyika yenyu yaparadzwa, maguta enyu apiswa nomŋoto, nyika yenyu yopedzwa naʋatorwa imi muri’po, yaparadzwa, seɀinoparadza ʋatorwa.

⁸ Mukunda weZioni wasiyiwa seɗumba mumunda wemizambiriŋga, secirindo mumunda wamagaka, seguta rakakombga nehondo.

⁹ Ƌai Jehova wehondo asina‐kutisiyira ʋakasara ʋashoma‐shoma, tiŋgaɗai takafanana neSodoma, takaita seGomora.

¹⁰ Inzwai shoko raJehova, imi ʋaɓati ʋeSodoma; tererai murairo waMŋari weɗu, imi ʋanhu ʋeGomora.

¹¹ Ɀanzi naJehova: Ɀiɓayiro ɀenyu ɀizhinji ɀinondiɓatsirei? Ndagutisa ɀipiriso ɀenyu ɀinopiswa ɀamakondobge, namafuta eɀipfuwo ɀakakodzwa; handifadzwi neropa renzombe, kana ramakwaiana, kana renhoŋgo.

¹² Kana muciʋuya kuzondiʋona, ndianiko unoreʋa iɀoɀo pamaʋoko enyu, kuti mutsike maʋazhe aŋgu?

¹³ Musazoʋuya ɀe neɀipo ɀisinamaturo; ɀinonhuwira ɀinondinyaŋgadza; ŋguʋa dzokugara kwomŋedzi nedzamasaɓata, nedzokukokera ʋuŋgano, handiɀiɗi; ɀakaipa, kunyaŋge neʋuŋgano tȿene.

¹⁴ Ŋguʋa dzenyu dzokugara kwomŋedzi nemitambo yenyu ɀinoʋeŋgwa nomŋeya waŋgu; ɀinondinetsa; ndaneta nokutambudzika naɀo.

¹⁵ Kana mucitambanudza maʋoko enyu, ndicakuʋanzirai ciso caŋgu; ɀirokwaɀo, kana muciwanza minyeŋgetero, handiŋganzwi; maʋoko enyu azere neropa.

¹⁶ Shambai, muɀinatse; bvisai ɀakaipa ɀamaɓasa enyu pamberi paŋgu; regai kuramba muciita ɀakaipa;

¹⁷ dzidzai kuita ɀakanaka; tȿakai kururamisira, ɓatsirai ʋanomanikidzwa, ruramisirai nherera, mureʋerere cirikadzi.

¹⁸ Ciʋuyai ɀino, titaurirane, ndiɀo ɀinotaura Jehova; kunyaŋge ɀiʋi ɀenyu ɀikaita somuceka mutȿuku, ɀicacena secando; kunyaŋge ɀiri ɀishaʋa somuti mushaʋa, ɀicaita samakushe amakwai.

¹⁹ Kana muciɗa, muciterera, mucadya ɀakanaka ɀenyika;

²⁰ asi kana muciramba, mucindimukira, mucaparadzwa nomunondo; nokuti muromo waJehova wakataura iɀoɀo.

²¹ Haiwa, guta rakatendeka rashanduka cifeʋe sei! Iro rakaŋga rizere nokururamisa! Kururama kwaigara mariri, asi ɀino mogara ʋaʋurayi.

²² Sirveri yako aʋa marara, waini yako yakaveŋganiswa nemvura.

²³ Macinda ako akamukira Jehova, ishamŋari dzembava; mumŋe nomumŋe unoɗa fufuro, unoʋiŋga miɓairo; haʋaruramisiri nherera, mhaka yecirikadzi haitambgi naʋo.

²⁴ Saka ɀanzi naShe, Jehova wehondo, iye Wamasimba waʋaIsraeri: Ndicapedza shuŋgu dzaŋgu pamsoro paʋadziʋisi ʋaŋgu, ndicaɀitsiʋira pamsoro paʋaʋeŋgi ʋaŋgu;

²⁵ ndicatambanudzira ruʋoko rwaŋgu kwauri, ndinatse cose marara ako, ndicabvisa tini yako.

²⁶ Ndicadzosera ʋatoŋgi ʋako ʋaʋe sapakutaŋga, namakota ako sapakutaŋga; shure kwaiɀoɀo ucanzi Guta rokururama, musha wakatendeka.

²⁷ Zioni ricadzikinurwa nokururamiswa, naʋanodzoka mariri nokururama.

²⁸ Asi ʋaɗariki naʋatadzi ʋacaparadzwa pamŋe cete, ʋanosiya Jehova ʋacapedzwa.

²⁹ Nokuti ʋacanyadziswa pamsoro pemiti yemiouki yamaifarira, mucaʋa nenyadzi pamsoro peminda yamakasanaŋgura.

³⁰ Nokuti mucaʋa somuouki waȿaʋa mashizha, ʋuye somunda usinemvura.

³¹ Unesimba ucaʋa sorwonzi, neɓasa rake sesasaradzi dzomŋoto; ɀose ɀiʋiri ɀicatȿa pamŋe cete, hakunauŋgaɀidzimura.