Eksodo 20 - Baiberi Magwaro Matȿene aMŋari 1949 (Doke)

Mirairo inegumi.

¹ Ɀino Mŋari wakataura mashoko awa ose, akati:

² Ndini Jehova, Mŋari wako, wakakubvisa munyika yeEgipita, muimba yoʋuranda.

³ Usaʋa naʋamŋe ʋamŋari kunze kwaŋgu.

⁴ Usaɀiitira mufananidzo wakaʋezwa, kana uri mufananidzo wecinhu ciri kuɗeŋga kumsoro, kana weciri panyika pasi, kana weciri mumvura pasi penyika.

⁵ Usafugamira iɀoɀo, kana kuɀishumira; nokuti ini Jehova, Mŋari wako, ndiri Mŋari unegoɗo; ndinoroʋa ʋana nokuɗa kweɀiʋi ɀamadziɓaɓa aʋo, kuȿikira kurudzi rwecitatu norwecinna rwaʋanondiʋeŋga;

⁶ ndiciitira nyasha ʋaneɀuru ɀamazana ʋanondiɗa, ʋanoceŋgeta mirairo yaŋgu.

⁷ Usareʋa zita raJehova Mŋari wako pasina; nokuti Jehova haaŋgaregi kupa mhoȿa unoreʋa zita rake pasina.

⁸ Raŋgarira zuʋa resaɓata, kuti uriceŋgete riʋe dɀene.

⁹ Uɓate mazuʋa matanhatu, uite maɓasa ako ose;

¹⁰ asi zuʋa recinomŋe isaɓata raJehova Mŋari wako; usatoŋgoɓata maɓasa naro, iwe, kana mŋanakomana wako, kana mŋanasikana wako, kana muranda wako, kana murandakadzi wako, kana ɀipfuwo ɀako, kana mŋeni wako uri mukati mamasuʋo ako;

¹¹ nokuti namazuʋa matanhatu Jehova wakaita ɗeŋga napasi, neguŋgwa, neɀose ɀiri mukati maɀo, akazorora nezuʋa recinomŋe; naiɀoɀo Jehova wakaropafadza zuʋa resaɓata akariita dɀene.

¹² Kudza ɓaɓa ʋako namai ʋako, kuti mazuʋa ako aʋe mazhinji panyika yaunopiwa naJehova Mŋari wako.

¹³ Usaʋuraya.

¹⁴ Usaita ʋupombge.

¹⁵ Usaɓa.

¹⁶ Usapupurira wokwako nhema.

¹⁷ Usaciʋa imba yowokwako, usaciʋa mukadzi wowokwako, kana muranda wake, kana murandakadzi wake, kana nzombe yake, kana mboŋgoro yake, kana cimŋe cowokwako.

¹⁸ Ʋanhu ʋose ʋakaʋona kutinhira, nemheni, nenzwi rehwamanda, negomo rinopfuŋgaira, ɀino ʋanhu ʋakati ʋaciʋona iɀoɀo, ʋakaɗeɗera ʋakamira kure.

¹⁹ Ʋakati kunaMosesi: Imi citaurai henyu nesu, tinzwe; asi Mŋari ŋgaarege kutaura nesu, tirege kufa.

²⁰ Mosesi akati kuʋanhu: Musatya henyu, nokuti Mŋari wakaʋuya kuzokuidzai, kuti mugare mucimutya, murege kutadza.

²¹ Ʋanhu ʋakamira kure, Mosesi akasweɗera kurima guru kwakaŋga kunaMŋari.

²² Jehova akati kunaMosesi: Iti kuʋana ʋaIsraeri: Imi makaʋona mumene kuti ndakataura nemi ndiri kuɗeŋga.

²³ Musaita ʋamŋe ʋamŋari pamŋe cete neni; musaɀiitira ʋamŋari ʋesirveri kana ʋamŋari ʋendarama.

²⁴ Undiitire artari yevu, uɓayire pamsoro payo ɀipiriso ɀako ɀinopiswa neɀipiriso ɀako ɀokuyananisa, namakwai ako nenzombe dzako; panɀimbo imŋe neimŋe pandicaraŋgaridza zita raŋgu, ndicaʋuya’po kwauri, ndicikuropafadza.

²⁵ Ɀino kana ucindiʋakira artari yamabge, urege kuiʋaka namabge akaʋezwa, nokuti kana ukasimudzira mbezo yako pamsoro pebge, wariȿiɓisa.

²⁶ Rega kukwira ʋo kuartari yaŋgu neɀikwiriso, kuti kunyasi kwako kurege kufukurwa kwairi.