Eksodo 13 - Baiberi Magwaro Matȿene aMŋari 1949 (Doke)

Murairo wamataŋgwe.

¹ Ɀino Jehova wakataura naMosesi, akati:

² Nditsaurirei mataŋgwe ose; ɀose ɀinotaŋga kuzarura ciɀaro pakati paʋana ʋaIsraeri, kana kuʋanhu kana kuɀipfuwo, ndeɀaŋgu.

³ Ɀino Mosesi akati kuʋanhu: Raŋgarirai zuʋa iri ramakaɓuɗiswa naro paEgipita, paimba yoʋuranda, nokuti Jehova wakakuɓuɗisai pano noruʋoko runesimba; ciŋgwa cakaʋiriswa ŋgacirege kudyiwa nemi.

⁴ Nhasi munoɓuɗa nomŋedzi weAbibi.

⁵ Ɀino kana Jehova akuȿitsa kunyika yaʋaKanani, neyaʋaHeti, neyaʋaAmori, neyaʋaHivi, neyaʋaJebusi, yaakambopikira madziɓaɓa ako, kuti ucakupa iyo, nyika inoyerera mukaka noʋuci, unofanira kundoita ɓasa iri nomŋedzi uno.

⁶ Unofanira kudya ciŋgwa cisina‐kuʋiriswa mazuʋa manomŋe; pazuʋa recinomŋe Jehova ŋgaaitirwe mutambo.

⁷ Ciŋgwa cisina‐kuʋiriswa ŋgacidyiwe mazuʋa manomŋe: ciŋgwa cakaʋiriswa ŋgacirege kuʋonekwa kwauri, kunyaŋge mbiriso ŋgairege kuʋonekwa kwauri panyika yako yose.

⁸ Ʋudza mŋanakomana wako nomusi iwoyo, uti: Ndiɀo ɀinoratidza ɀandakaitirwa naJehova musi wandakaɓuɗa Egipita.

⁹ Cinofanira kuʋa ciratidzo kwauri paruʋoko rwako, neciraŋgaridzo pakati pameso ako, kuti murairo waJehova uʋe mumuromo mako; nokuti Jehova wakakuɓuɗisa paEgipita noruʋoko runesimba.

¹⁰ Naiɀoɀo unofanira kuceŋgeta murairo uyu neŋguʋa yawo gore rimŋe nerimŋe.

¹¹ Ɀino kana Jehova akuȿitsa kunyika yaʋaKanani, seɀaakakupikira iwe namadziɓaɓa ako, akakupa iyo,

¹² unofanira kusanaŋgurira Jehova ɀose ɀinotaŋga kuzarura ciɀaro, neɀokutaŋga ɀose paɀipfuwo ɀaunaɀo, ɀirume ndeɀaJehova.

¹³ Mŋana wokutaŋga wemboŋgoro unofanira kuudzikinura negwaiana; kana usiŋgaɗi kuudzikinura, unofanira kuvuna mutsipa wawo; mataŋgwe ose aʋanhu pakati paʋanakomana ʋako unofanira kuadzikinura.

¹⁴ Ɀino kana mŋanakomana wako acizokubvunza paŋguʋa inoʋuya, akati: Cinyiko ici? Uti kwaari: Jehova wakatiɓuɗisa noruʋoko runesimba paEgipita paimba yoʋuranda;

¹⁵ nokuti paŋguʋa iyo Farao yaakaramba kutitendera kuenda, Jehova wakaʋuraya mataŋgwe ose enyika yeEgipita, mataŋgwe ose aʋanhu naʋana ʋemhoŋgora dzeɀipfuwo; naiɀoɀo ndinoɓayira Jehova ɀose ɀinotaŋga kuzarura ciɀaro, kana ɀiri ɀirume; asi mataŋgwe ose aʋanakomana ʋaŋgu ndinoadzikinura.

¹⁶ Ici cicaʋa ciratidzo paruʋoko rwako, norundanyara pameso ako; nokuti Jehova wakatiɓuɗisa paEgipita noruʋoko runesimba.

ƲaIsraeri ʋanoɓuɗa Egipita.

¹⁷ Ɀino Farao wakati aregedza ʋanhu kuti ʋaende, Mŋari haana‐kuʋafambisa nenzira yapanyika yaʋaFiristia, kunyaŋge yaiʋa pedyo, nokuti Mŋari wakati: Ɀimŋe ʋanhu ʋaŋgaɀiɗemba, kana ʋaciʋona kurwa, ʋakadzokera Egipita;

¹⁸ asi Mŋari wakapotesa ʋanhu nokure, nenzira yokurenje rapaGuŋgwa Dɀuku; ʋana ʋaIsraeri ʋakaɓuɗa panyika yeEgipita ʋakashoŋga nhumbi dzokurwa.

¹⁹ Mosesi akatora mafupa aJosefa, akaenda nawo; nokuti wakaŋga apikisa ʋana ʋaIsraeri, aciti: Ɀirokwaɀo Mŋari ucakushanyirai, mucabva pano, mugoenda ʋo namafupa aŋgu.

²⁰ Ɀino ʋakataŋga rwendo rwaʋo ʋakabva Sukoti, ʋakandoʋaka misasa yaʋo paEtami, pamuceto werenje.

²¹ Jehova akaʋatuŋgamirira masikati neshoŋgwe yegore rokuʋaperekedza panzira, ʋusiku neshoŋgwe yomŋoto yokuʋavenekera, kuti ʋafambe masikati noʋusiku

²² Shoŋgwe yegore yakaŋga isiŋgabvi pamberi paʋanhu masikati, kana shoŋgwe yomŋoto ʋusiku.