Mapisarema 14 - Shona BIBLE

Vanhu vose vakashata

Kumutungamiriri wokuimba. Pisarema raDhavhidhi.

¹ Benzi rakati mumwoyo maro, “Mwari haako.” Vakaora, vakabata mabasa anonyangadza; Hapana anoita zvakanaka.

² Jehovha ari kudenga, akatarira pasi kuvana vavanhu, Kuti aone kana akachenjera aripo, Anotsvaka Mwari.

³ Vakatsauka vose, vakasvibiswa pamwechete; Hapana anoita zvakanaka, kunyangwe nomumwe.

⁴ Ko vaiti vose vezvakaipa havana zivo here? Ivo vanodya vanhu vangu sezvavanodya chingwa, Vasingadani kuna Jehovha.

⁵ Vakanga vachitya zvikuru ipapo; Nokuti Mwari anogara parudzi rwavakarurama.

⁶ Munonyadzisa zano romurombo, Asi Jehovha ndiye utiziro hwake.

⁷ Dai kuponeswa kwaIsiraeri kwaibva paZioni! Kana Jehovha achidzosa vanhu vake pakutapwa, Ipapo Jakobho achafarisisa kwazvo, naIsiraeri achafara.