Mapisarema 1 - Shona BIBLE

Bhuku 1 ( Mapis 1—41 ) Kufara kwavanoda Mwari, nokusafara kwavasingadi Mwari

¹ Akakomborerwa munhu asingafambi panorangana vakaipa, Asingamiri panzira yavatadzi, Asingagari panogara vadadi.

² Asi anofarira murairo waJehovha; Anofungisisa murairo wake masikati nousiku.

³ Achafanana nomuti wakasimwa pahova dzemvura, Anobereka michero yawo nenguva yawo, Mashizha awo haasvavi; Chinhu chipi nechipi chaanoita chichaendika.

⁴ Vakaipa havana kudaro; Asi vakafanana nehundi inopeperetswa nemhepo.

⁵ Naizvozvo vakaipa havangamiri pakutongeswa, Navatadzi paungano yavakarurama.

⁶ Nokuti Jehovha anoziva nzira yavakarurama; Asi nzira yavakaipa ichaparadzwa.