Salāmo 15 - O LE TUSI PAIA

O LE SALAMO XV. O le amioga a le tagata o le Atua. O le salāmo a Tavita.

¹ Ieova e, o ai ea e nofo i lou fale fetafai? O ai ea e mau i lou mauga paia?

² O le savali ma le amio sao, ma ua fai le amiotonu, ma tautala ma le faamaoni i lona loto.

³ O le ua le tuua‘i fua i lona laulaufaiva, ua le agaleaga i le la te tuaoi, e le faatupu foi se mea e faalumaina ai le ua lata mai ia te ia.

⁴ O loo inosia e ia le ua leaga, a e viia e ia o e matatau ia Ieova; e tauto ia i le mea e tiga ai o ia, a e le ‘alo ai.

⁵ Ua le avane e ia ana tupe e fai ai taui faasili; e le talia e ia se meaalofa e faasala ai le ua le sala. O le ua faia ia mea e le faagaeetia lava ia e faavavau.