Salāmo 149 - O LE TUSI PAIA

O LE SALAMO CXLIX. Ia viia Ieova e ona tagata.

¹ Ia outou vivii atu ia Ioa. Ia outou pepese ia Ieova i le pese fou; pepese i lona viiga i le faapotopotoga a ona tagata amio Atua.

² Ia fiafia Isaraelu i le na faia i latou; ia olioli le fanau a Siona i lo latou Tupu.

³ Ia latou vivii atu i lona suafa ma le siva, ia latou fai pesega ia te ia i le topa ma le kitara.

⁴ Auā o loo fiafia Ieova i lona nuu; e faamatagofie e ia i le olataga e ua agamalu.

⁵ Ia olioli i le mamalu e ua amio Atua; ia latou alalaga fiafia i o latou moega;

⁶ ia i ai i o latou gutu o faaneeneega i le Atua; ia i ai foi i o latou lima le pelu e faatau maai itu;

⁷ ina ia faia le taui ma sui i nuu ese, o le aoaiga i nuu;

⁸ ina ia noanoatia o latou tupu i maea uamea, ma o latou alii mamalu i noataga uamea;

⁹ ina ia faia ia i latou o le faamasinoga ua tusia. Ua i ona tagata amio Atua uma lava lena mamalu. Ia outou vivii atu ia Ioa.