Salāmo 13 - O LE TUSI PAIA

O LE SALAMO XIII. Ua tagi atu Tavita i le Atua, ona ua agaleaga mai o tagata ia te ia. Ma le usu pese. O le salāmo a Tavita.

¹ Ieova e, e te faagalogalo pea lava ia te au seia afea? E te ‘alo ou fofoga ia te au seia afea?

² Ou te filifili a‘u ma le faanoanoa i lo‘u loto i aso uma seia afea? E faamaualugaina e sili ia te au le ua ita mai ia te au seia afea?

³ Ieova e lo‘u Atua, ia e silasila mai ma tali mai ia te au; ia e faamalamalamaina o‘u mata, ne‘i ou moe i le oti;

⁴ ne‘i fai ane le ua ita mai ia te au, Ua ou manumalo ia te ia; ne‘i mitamita e ua saua mai ia te au, pe a faagaeetia o a‘u.

⁵ A o a‘u ne‘i, ou te faatuatua i lou alofa, e fiafia lo‘u loto i lau faaolataga.

⁶ Ou te pese atu ia Ieova, auā ua agalelei mai o ia ia te au.