Neemia 7 - O LE TUSI PAIA

O LE MATAUPU VII. Ua tofia Hanani ma Hanania e pule. O tagata na o ae mai Papelonia.

¹ Ua uma ona ati o le pa, ua faatuina foi puipui, ua tofia foi leoleo faitotoa, ma e pepese, ma sa Levī,

² ona ou tuuina atu lea ia Hanani lo‘u uso, ma Hanania le alii e pule i le ‘olo, e pule i Ierusalema; auā o le tagata faamaoni ia, ua sili foi lona mata‘u i le Atua i lo le toatele.

³ Ua ou fai atu foi ia te i laua, Aua ne‘i tatalaina faitotoa o Ierusalema seia vevela le la; ia latou puipui foi i faitotoa ma faamau ai o la o tutū ai, ma ia tofia leoleo o e nonofo i Ierusalema, taitoatasi i lona leoleoga, taitoatasi foi i lona lumāfale.

⁴ Ua valavala foi le aai ma le lautele; a ua toaitiiti tagata e i ai, e lei faia foi fale.

⁵ Na tuuina mai e lo‘u Atua i lo‘u loto e faapotopoto i alii, ma faipule, ma le nuu, ina ia tusigafaina i latou e tusa ma o latou tupuga. Na ou maua foi le tusi o gafa o e na o ae i le amataga, ona ou iloa lea o loo tusia i ai, ua faapea,

⁶ O i latou nei o tagata o le itu malo na o ae ai le tafeaga, o le tafeaga lea na avea e Nepukanesa le tupu o Papelonia, na latou toe foi mai foi i Ierusalema ma Iuta, taitasi i lona aai;

⁷ o e na o mai ma Serupapelu; o Iosua, o Neemia, o Aseraia, o Raamia, o Naamani, o Moretekai, o Pilesana, o Mesepara, o Pikevai, o Nekuma, o Paana. O le faitau aofai o tagata o le nuu o Isaraelu;

⁸ o le fanauga a Parose, e lua afe e toaselau e toafitugafulu, ma le toalua.

⁹ O le fanauga a Sefatia, e tolu selau e toafitugafulu ma le toalua.

¹⁰ O le fanauga a Araka, e ono selau e toalimagafulu ma le toalua.

¹¹ O le fanauga a Pakamoapi, o le fanauga ia a Iosua ma Ioapo, e lua afe e valu selau ma le toasefulu ma le toavalu.

¹² O le fanauga a Elama, e tasi le afe e lua selau ma le toalimagafulu ma le toafa.

¹³ O le fanauga a Satu, e valu selau e toafagafulu ma le toalima.

¹⁴ O le fanauga a Sakai, e fitu selau ma le toaonogafulu.

¹⁵ O le fanauga a Penui, e ono selau e toafagafulu ma le toavalu.

¹⁶ O le fanauga a Pepai, e ono selau e toaluafulu ma le toavalu.

¹⁷ O le fanauga a Asekata, e lua afe e tolu selau e toaluafulu ma le toalua.

¹⁸ O le fanauga a Atonikama, e ono selau e toaonogafulu ma le toafitu.

¹⁹ O le fanauga a Pikevai, e lua afe e toaonogafulu ma le toafitu.

²⁰ O le fanauga a Atini, e ono selau e toalimagafulu ma le toalima.

²¹ O le fanauga a Atere, mai ia Esekia, e toaivagafulu ma le toavalu.

²² O le fanauga a Hasumu, e tolu selau e toaluafulu ma le toavalu.

²³ O le fanauga a Pesai, e tolu selau e toaluafulu ma le toafa.

²⁴ O le fanauga a Haripa, e tasi le selau e toasefulu ma le toalua.

²⁵ O tagata o Kipeona, e toaivagafulu ma le toalima.

²⁶ O tagata o Peteleema ma Netopa, e tasi le selau e toavalugafulu ma le toavalu.

²⁷ O tagata o Anatota, e tasi le selau e toaluafulu ma le toavalu.

²⁸ O tagata o Peteasemau, e toafagafulu ma le toalua.

²⁹ O tagata o Kiriata-iarima, o Kafira, ma Perota, e fitu selau e toafagafulu ma le toatolu.

³⁰ O tagata o Rama ma Kipea, e ono selau e toaluafulu ma le toatasi.

³¹ O tagata o Mekemase, e tasi le selau ma le toaluafulu ma le toalua.

³² O tagata o Peteli ma Ai, e tasi le selau e toaluafulu ma le toatolu.

³³ O tagata o le tasi Nepo, e toalimagafulu ma le toalua.

³⁴ O le fanauga a le tasi Elama, e tasi le afe e lua selau e toalimagafulu na le toafa.

³⁵ O le fanauga a Harima, e tolu selau ma le toaluafulu.

³⁶ O tagata o Ieriko, e tolu selau e fagafulu ma le toalima.

³⁷ O tagata o Loto, o Hatito, ma Ono, e fitu selau e toaluafulu ma le toatasi.

³⁸ O tagata o Senaa, e tolu afe e iva selau ma le toatolugafulu.

³⁹ O le au faitaulaga; o le fanauga a Ietaia o le aiga o Iosua, e iva selau e toafitugafulu ma le toatolu.

⁴⁰ O le fanauga a Imere, e tasi le afe e toalimagafulu ma le toalua.

⁴¹ O le fanauga a Pasura, e tasi le afe e lua selau e fagafulu ma le toafitu.

⁴² O le fanauga a Harima, e tasi le afe e toasefulu ma le toafitu.

⁴³ O sa Levī; o le fanauga a Iosua, ma Katameeli, o le fanauga ia a Hotavia, e toafitugafulu ma le toafa.

⁴⁴ O e pepese; o le fanauga a Asafo, e tasi le selau e fagafulu ma le toavalu.

⁴⁵ O leoleo faitotoa; o le fanauga a Saluma, o le fanauga a Atere, o le fanauga a Talemoni, o le fanauga a Akupa, o le fanauga a Hatita, o le fanauga a Sopai, e tasi le selau e toatolugafulu ma le toavalu.

⁴⁶ O le au netini; o le fanauga a Seka, o le fanauga a Hasufi, o le fanauga a Tapaota,

⁴⁷ o le fanauga a Kirosa, o le fanauga a Seaa, o le fanauga a Patono,

⁴⁸ o le fanauga a Lepana, o le fanauga a Hakepa, o le fanauga a Salemai,

⁴⁹ o le fanauga a Hanana, o le fanauga a Kitele, o le fanauga a Gakara,

⁵⁰ o le fanauga a Reaia, o le fanauga a Resina, o le fanauga a Nekota,

⁵¹ o le fanauga a Gasama, o le fanauga a Usa, o le fanauga a Pasea,

⁵² o le fanauga a Pesai, o le fanauga a Meunima, o le fanauga a Nefasemo,

⁵³ o le fanauga a Pakepuka, o le fanauga a Hakupa, o le fanauga a Harekuru,

⁵⁴ o le fanauga a Paselita, o le fanauga a Mekita, o le fanauga a Haresa,

⁵⁵ o le fanauga a Parekusa, o le fanauga a Sesera, o le fanauga a Timaka,

⁵⁶ o le fanauga a Neseka, o le fanauga a Hatifa.

⁵⁷ O le fanauga a auauna a Solomona; o le fanauga a Sotai, o le fanauga a Soferete, o le fanauga a Feruta,

⁵⁸ o le fanauga a Iaala, o le fanauga a Tarekono, o le fanauga a Kitele,

⁵⁹ o le fanauga a Sefatia, o le fanauga a Hatili, o le fanauga a Pokerete o le Sepaima, o le fanauga a Amoni.

⁶⁰ O le au netini uma, ma le fanauga a auauna a Solomona, e tolu selau e toaivagafulu ma le toalua.

⁶¹ O i latou nei na o ae ai Telemelaka, ma Tele-aresa, ma Kirova, ma Atana, ma Imere; a ua latou le mafaia ona faailoa mai le aiga o latou tamā, ma lo latou tupuga, pe ni Isaraelu i latou.

⁶² O le fanauga a Talaia, o le fanauga a Tovia, o le fanauga a Nekota, e ono selau e toafagafulu ma le toalua.

⁶³ O le au faitaulaga foi; o le fanauga a Hapaia, o le fanauga a Kosa, o le fanauga a Pasili, o le na fai avā i le tasi afafine o Pasili le Kiliata, sa igoa foi o ia i lo latou igoa.

⁶⁴ O i latou ia na sailiili i o latou tusi gafa na tusia ai o latou gafa, a e lei maua, sa ta‘ua ai i latou ua leaga, ua te‘a ai ma le faiva o faitaulaga.

⁶⁵ Ua fai atu foi ia te i latou le alii e pule, aua ne‘i latou aai i mea e sili ona paia, seia tu mai se faitaulaga ma le Urima ma le Tumema.

⁶⁶ O le aofai o le faapotopotoga uma, e fagafulu o afe ma afe e lua ma le tolu selau ma le toaonogafulu;

⁶⁷ a o a latou auauna tane ma a latou auauna fafine, e fitu afe e tolu selau e toatolugafulu ma le toafitu o i latou; sa ia te i latou foi o tane pepese ma fafine pepese, e lua selau ma le toafagafulu ma le toalima.

⁶⁸ O a latou solofanua, e fitu selau e tolugafulu ma le ono; o a latou falata, e lua selau e fagafulu ma le lima;

⁶⁹ o kamela, e fa selau ma le tolugafulu ma le lima; o asini e ono afe e fitu selau ma le luafulu.

⁷⁰ O isi foi o matai sili, ua latou foaiina atu i le galuega. Ua foaiina atu i le oloa e le alii e pule o tareki o auro e tasi le afe, o ipu e limagafulu, o ofu tino o faitaulaga e lima selau ma le tolugafulu.

⁷¹ O isi foi o matai sili, ua latou foaiina atu i le oloa mo le galuega, o tareki o auro e luafulu o afe, ma mina o ario e lua afe ma le lua o selau.

⁷² O mea foi na foaiina atu e i latou ua totoe o le nuu, o tareki o auro e luafulu o afe, ma mina o ario e lua afe, ma ofu tino o faitaulaga e onogafulu ma le fitu.

⁷³ Sa nonofo foi i a latou aai o faitaulaga, ma sa Levī, ma leoleo faitotoa, ma e pepese, o isi foi o le nuu, ma le au netini, ma Isaraelu uma; ua oo foi i le fitu o masina ua i a latou aai le fanauga a Isaraelu.