ESETA, 10 - O LE TUSI PAIA

O LE MATAUPU X. O le mamalu o Asueru, ma le faasilisiliina o Moretekai e ia.

¹ Na totogi atu e le tupu o Asueru i le vao nuu, ma nuu tuloto i tai, ia faia le taulaga ia te ia.

² O mea uma na faia i lana pule ma lona malosi, ma le tala i le silisili o Moretekai na faasilisiliina ai o ia e le tupu, e lei tusia ea ia mea i le tusi o tala i nofoaiga a tupu o Metai ma Peresia?

³ Auā na aupito Moretekai o lo sa Iutā i le tupu o Asueru; na silisili o ia i sa Iutā; na fiafia ia te ia le toatele o ona uso; ua saili e ia ia manuia lona nuu; ua tautala foi ma le alofa i lona nuu uma.