Markus 13 - O Evangelio Jezus Kristusester pala Markus 1912 (Sinte)

DEŠTRINTO KAPITLO.

¹ Her ta gejeslo drani kangeri, phendes jek lesker sikermangerende apo leste: Dikehe sikerpaskerrai, havi barenge ta havi bare kher!

² Ta Jezus rakerdes ta phendes apo leste: Dikhe tu hake kala bare kherenge? Mo ta vel kenk bar api vaver meklo, kai veles gar telephagemen!

³ Her ta bešeslo o kangeriater pralavergl api džetesker bregeste phučes peske kokeres Petrus ta Jakobus ta Johanes ta Andreas:

⁴ Phen menge, kai vela kava, ta havi boto hi, her mo ta vel hako kova kerapeneske.

⁵ Jezus rakerdes ta phendes lenge: Dikhena tume, ta chocherela tumenge kenkes.

⁶ But ta vena tela miro lab ta phenen me homes, ta chocherena buteder an.

⁷ Tu hunen tume i kurapenester ta i kurapenester krisni, pala daren tume gar; ta kova hunte vel, ta les hi kome gar vri.

⁸ Ta veles midžik čel api čel, ta them api them, ta venes phubiakertrisapen, čordopen ta veles. Kava hi o sikederdukhapen.

⁹ Dena tume jak apa tumende! Jon ta dena tume prala o krisniester, ta ani kangeri veles tume kurdo, ta glano baro raienge ta kralenge vel tume tardo vaške mange, lenge o čačopenester.

¹⁰ Ta hake čelenge hunte vel sikeder o sastobičerpenes (evangelio) rakerdo.

¹¹ Ta dena jon tume prala kome, pala bichen tume gar sikeder, ho mo ta rakerenas tume, foni, ho vel tumen drin delto ani kova kori ho rakerlo; ta gar tume hanes, kai rakerena, les hi o boldo mulo.

¹² O phral dela o phrales api merapen ta o dad lesker čavo, ta o čaven vena midžik lenger menšende (Eltern) ta jon maren pen len.

¹³ Tumen vela hakoneste midžike vaške mange ta miro labester. Kon ta rikerela džin palduno vri, kova vela hilderdo.

¹⁴ Ta dikhena tume kome ta štela kava midžikapen o džungalepenester kate kai mo ta veles gar (kon draverela kova, kova dela jak pre!) pale našehas kon ani Judea hi api bregende.

¹⁵ Kon ta hi api kheresker čakerpen, džala gar ani kher tele, ta džala nina gar drin, ta aneles čomoni drani lesker kher.

¹⁶ Kon ta hi api phub, džala gar palel ta lelo lesker ripen.

¹⁷ Midžik hi kolender kai hi len phare, ta kolen kai piena an kola divesenge!

¹⁸ Priserena, ta vela kava gar ani vend.

¹⁹ Ta kola divese ta vena i bibacht, her ta hi les gar keake baro siter o kerapenester kai kerdes o Devel, džin kana, ta veles nina čačopaha nicht.

²⁰ Kai ta kerela o Rai kola divesa gar tikneder, keake veles kenk dženo hilderdo; vaške o lače dženenge kai rodeslo vri, kerdes job o divese tikneder.

²¹ Her ta phendes jekes tumender: Dikhe ake hi Christus! Pale pacene les gar.

²² Ta venas vaver Christusa ta vaver profetenge preštardo, ta keren pena bote ta baro kova, ta chocherena kola našte vel o lače dženenge.

²³ Dena tume jak apo tumende! Dikhena me phendomes tume sikeder lauter!

²⁴ An kola divesenge pala kana midžikopenester vela o kham tameldo, ta o tikno kham dela leskr momeli gar.

²⁵ I cirna o bolapenester pejena tele ta i zorelopenende kai hi len an o bolapen velen triserdo.

²⁶ Pale dikhena ta vela o dženengerčavo ani felešnodi i baro zorelopen ta railapenester.

²⁷ Pala bičerelo lesker engle vri ta lesker lače dženenge vejen ketene kola štar bravalender i papelo kunč o phubester džin o papelo kunč i bolapeneske. O gibesterrukeste ta sikerena o parnisa.

²⁸ Ta hi o rukeskerkoter sido, ta i patria hi len bares, keake džanena tume, ta hi o nijel gar dur.

²⁹ Keake džanena tume nina, ta dikhena tume ta džala kava, ta hi lo gar dur glano vuder.

³⁰ Cačo phenau me tumen: Kana čel džala gar vri, džin ta vela kava lauter.

³¹ O bolapen ta o phub džalen vri, ta miri labenge vel ta džalen gar vri.

³² Kova dives ta kola kori džanela kenkes, nina o engle ani bolapen gar, kome gar o čavo, foni o dad.

³³ Dikhene, priserena ta han džangle, tume džanena gar, kai hi les ciro.

³⁴ Les hi her paši dženo, ta mekjes lesker kher ta gejes peske, ta dejes lesker valete o zorelopen hakeneske lenger butikaben, ta nina koles kai hilderdes o vuder phendeslo, job mo ta džangereslo.

³⁵ Han kome džanglo, tume džanena gar, kai vela o rai i kherester, brevul ta o maškeral rateske, paši bašnestergodlopen ta taisirlakro!

³⁶ Gar, kai ta velo sik, ta hacelo tumen sutlo.

³⁷ Ho ta phenau me tumen, kava phenau me hakene: Džanglen tume!