फिलेमोन 1 - सरगुजिया बाइबिलआशीर्वाद 1 पौलुस कती ले जेहर मसीह यीशु कर कैदी है, अउ भाई तीमुथियुस कती ले हमर प्रिय सहकर्मी फिलेमोन, 2 अउ बहिन अफफिया, अउ हमर साथी योध्दा अरखिप्पुस अउ फिलेमोन कर घर कर कलीसिया कर नाव: 3 हमर दाऊ परमेश्वर अउ प्रभु यीशु मसीह कती ले अनुग्रह अउ शान्ति तुमन ला मिलत रहे। धन्यवाद अउ प्रार्थना 4 मैहर हमेसेच परमेश्वर कर धन्यवाद करथो; अउ अपन प्रार्थना मन मे भी तुमन ला याद करथो, 5 काबर कि मैहर तोर ओ प्रेम अउ बिश्वास कर चर्चा सुनथो, जेहर सबेच पवित्र मैनसे मन कर संग अउ प्रभु यीशु पर है। 6 मैहर प्रार्थना करथो, कि बिश्वास मे तोर सहभागी होए बर, तुमन मन कर सबेच भलाई कर पहिचान मे, मसीह बर प्रभावशाली होए। 7 काबर कि हे भाई, मोला तोर प्रेम ले ढेरेच आनन्द अउ शान्ति मिलथे, एकरे बर कि तोर द्वारा पवित्र मैनसे मन कर मन ला हरा-भरा होए गईस है। उनेसिमुस बर बिनती 8 एकरे बर यद्यपि मोला मसीह मे बड़खा साहस है कि जे गोएठ ला ठीक है, ओकर आदेस तोला देहू। 9 तबो ले मुझ बुड़हउ पौलुस का जेहर अब मसीह यीशु बर कैदी हो, एहर अउ भी भला जाएन पड़िस कि प्रेम ले बिनती करहू। 10 मैहर अपन लईका उनेसिमुस बर, जेहर मोर ले मोर कैद मे जनमिस है, तोर ले बिनती करथो। 11 ओहर त आगू तोर कुछ बुता कर नी रहिस, पर अब तोर अउ मोर दोनोच कर बड़ेच बुता कर है। 12 ओहिच ला मने कि जेहर मोर हृदय कर टुटका है, मैहर तोर लिघे लौटाए देहे हो। 13 ओला मैहर अपन ही लिघे रखे बर चाहत रहे कि ओहर तोर कती ले ये कैद मे जे सुसमाचार कर कारन है, मोर सेवा करही। 14 पर मैहर तोर इक्छा कर बिना कुछ भी करे बर नी चाहे, कि तोर ये कृपा दबाव ले नही पर आनन्द ले हो। 15 काबर कि का जाने ओहर तोर ले कुछ अउ दिन तक बर एहिच कारन अलग होईस कि हमेसेच तोर लिघे रहे। 16 लेकिन अब ले कमिया नियर नही, बरन कमिया ले भी उत्तम, मने कि भाई कर समान रहे, जेहर मोर त बिशेष प्रिय एहिच हर ही है, पर अब देह मे अउ प्रभु मे भी, तोर भी बिशेष प्रिय होए। फिलेमोन कर हुकूम माने ले खुशी होईस 17 तले अगर तय हर मोला अपन सहभागी समझथस, त ओला एहिच नियर गरहन करा जईसन मोला। 18 अगर ओकर तोर कुछ हानी करिस है, या ओकर पर तोर कुछ भी आत आहे, त मोर नाव मे लिख लेहे रह। 19 मै पौलुस हर अपन हाथ ले लिखत हो, कि मैहर आप भईर देहू; अउ एकर ले कुछ भी जरूरत नी है, कि मोर करजा ला जेहर तोर पर है ओहर तय ही हस। 20 हे भाई, ये आनन्द मोला प्रभु मे ओ कती ले मिलिस आहे। मसीह मे मोर जीव ला हरा-भरा कईर दे। 21 मैहर तोर हुकूम माने ले होए कर भरोसा रईख के, तोला लिखत हो, अउ एला जानथो कि जेला मैहर कहथो, तय हर ओकर ले कहो बईढ़ के करबे। 22 अउ ये भी, कि मोर बर ठहरे कर जगहा तियार रखा; मोला आसरा है, कि तुमन मन कर प्रार्थना मन कर द्वारा मैहर तुमन ला दे देहल जाहू। आखरी आशीर्वाद 23 इपफ्रास जेहर यीशु मे मोर संग कैद है, 24 अउ मरकुस अउ अरिस्तर्खुस अउ देमास अउ लूका जेहर मोर सहकर्मी है; एमन कर तुमन ला नमस्कार। 25 हमर प्रभु यीशु मसीह कर अनुग्रह तुमन मन कर आत्मा पर होवत रहे। आमीन। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation