इबरानी 1 - सरगुजिया बाइबिल

बेटा कर स्वभाव

¹ पीछू कर युग मन मे परमेश्वर हर दाऊ-ददा मन ले तनिक-तनिक बात कईर के अउ कई मंधे ले अगमजानी मन कर द्वारा गोठियईस,

² लेकिन ये आखरी दिन मन मे हमन ले बेटा कर द्वारा गोठियईस, जेला ओहर सबेच चीज मन कर वारिस ठहरईस अउ ओकरे द्वारा ओहर सबेच जगत कर रचना करिस है।

³ ओहर ओकर महिमा कर प्रकाश, अउ ओकर तत्व कर छाप है, अउ सबेच चीज मन ला अपन सामर्थ कर बचन ले समालथे: ओहर पाप मन ला धोए के ऊचा जगहा मे महामहिमन कर जेवनी मे जाए बैठिस।

⁴ अउ स्वर्गदूत मन ले ओतनेच ही उत्तम ठहरिस, जेतेक ओकर ओमन ले बड़खा पद कर वारिस होए के उत्तम नाव पईस।

यीशु स्वर्गदूत मन ले महान है

⁵ काबर कि स्वर्गदूत मन ले ओकर कब कोनो ले कहिस, “तय मोर बेटा हस, आएज मैहर ही तोला जन्माए हो?” अउ फिर ये, “मैहर ओकर दाऊ हो, अउ ओहर मोर बेटा होही?”

⁶ अउ जब पहिलौठा ला जगत मे फिर लाथे, त ये कहथे, “परमेश्वर कर सबेच स्वर्गदूत मन ओला जोहारे।”

⁷ अउ स्वर्गदूत मन कर बारे मे ये कहथे, “ओहर अपन दूत मन ला बईहर, अउ अपन सेवक मन ला धधकत आगी बनाथे।”

⁸ लेकिन बेटा कर बारे मे ये कहथे, “हे परमेश्वर, तोर सिंहासन युगानुयुग बर रही, तोर राएज कर राजदंड न्याय कर राजदंड है।

⁹ तय हर धार्मिकता ले प्रेम अउ अधर्म ले बैर रखे हस, ये कारन परमेश्वर हव तोर परमेश्वर हर तोर सबेच संगता मन ले बईड़ के हर्षरूपी तेल ले तोर अभिषेक करिस है।”

¹⁰ अउ ये कि, “हे प्रभु आदि मे तुमन हर पृथ्वी कर नेव डाले, अउ स्वर्ग हर तोर हाथ मन कर कारीगरी है।

¹¹ ओहर त नाश होए जाही, लेकिन तय बनल रहबे; अउ ओहर सबेच हर कपरा कर नियर जुनहा होए जाही।

¹² अउ तय ओमन ला चादर कर नियर लपेटबे, अउ ओमन कपरा कर नियर बदेल जाही: पर तय ओहिच हस, अउ तोर बरस मन कर आखरी नी होही।”

¹³ अउ स्वर्गदूत मन ले कब कोन हर कब कहिस, “तय मोर जेवनी कती बईठ, जब तक कि मैहर तोर बैरी मन ला तोर गोड़ कर खाल्हे कर पीड़ही नी कईर देहू?”

¹⁴ का ओ सबेच सेवा टहल करे बाला आत्मा मन नी है, जेहर उद्धार पाए बाला मन बर सेवा करे बर भेजल जाथे?