1 थिस्सलुनी 1 - सरगुजिया बाइबिलआशीर्वाद 1 पौलुस अउ सिलवानुस अउ तीमुथियुस कती ले थिस्सलुनीकियों कर कलीसिया मन कर नाव जेहर परमेश्वर दाऊ अउ प्रभु यीशु मसीह मे है। अनुग्रह अउ शान्ति तुमन मन ला मिलत रहे। थिसलुनी मन कर बड़िया उदाहरन 2 हमन अपन प्रार्थना मन मे तुमन मन ला याद करथी अउ हमेसेच तुमन सबेच कर बारे मे परमेश्वर ला धन्यवाद करथन, 3 अउ अपन परमेश्वर अउ दाऊ कर आगू तुमन मन कर बिश्वास कर बुता, अउ प्रेम कर मेहनत, अउ हमर प्रभु यीशु मसीह मे आसरा कर धीरज ला हमेसेच याद करथन। 4 हे भाई मन, परमेश्वर कर प्रिय लोग मन, हमन हर जानथी, कि तुमन मन चुनल हा। 5 काबर कि हमर सुसमाचार तुमन कर लिघे न केबल शब्द मात्र मे ही बरन सामर्थ अउ पवित्र आत्मा मे, अउ बड़ निश्चय कर संग मे पहुचिस है; जईसन तुमन मन जानथा, कि हमन तुमन बर तुमन कर मांझा मे कईसन बन गए रहेन। 6 तुमन मन बड़खा क्लेश मे पवित्र आत्मा कर आनन्द कर संग मे बचन ला माएन के हमर अउ प्रभु कर नियर चाल चले लगे हा। 7 हिया तक ले कि मकिदुनिया नगर अउ अखाया परदेस कर सबेच बिश्वासी मन बर तुमन मन आदर्श बने हा। 8 काबर कि तुमन मन कर हिया ले न केबल मकिदुनिया नगर अउ अखाया परदेस मे प्रभु कर बचन सुनाल गईस, लेकिन हमर बिश्वास कर जेहर परमेश्वर पर है, हर जगहा मन मे एकर चर्चा बगेर गईस है। कि हमन मन ला कहे कर जरूरत ही नी है। 9 काबर कि ओहर अपन ही हमर बारे मे बताथे कि तुमन हर लिघे आए के कईसन होईस; अउ तुमन कईसन मूरती मन कती ले परमेश्वर कती फिरे हा, ताकि जीवित अउ सहिच परमेश्वर कर सेवा करा। 10 अउ ओकर बेटा के स्वर्ग मे ले आए कर बाट जोहतेच रहा जेला ओहर मरल मन मे ले जीलईस, मने कि यीशु ला जेहर हमन मन ला आए बाला प्रकोप ले बचाथे। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation