Mapisarema 13 - Bhaibhiri Idzva rechiShona rine Dhuterokanonika

Muimbisi, urwu rwiyo rwaDhavhidhi.

Kukumbira Mwari rubatsiro

¹ Mucharamba muchingondikanganwa kusvikira riniko, nhai TENZI? Muchandivanza chiso chenyu kusvikira riniko?

² Ko ndichatenderedzwa musoro kusvikira riniko ndichirwadziwa mwoyo zuva rose kudai? Vavengi vangu vachandikurira kusvikira riniko?

³ Nditarisei TENZI Mwari wangu mundipindure. Ndibengenutsei ndirege kukotsira hope dzorufu.

⁴ Muvengi wangu angadaro akazoti ndakamukurira, mhandu dzangu dzikazofarira kuti ndakazunzika.

⁵ Asi ini ndinovimba nemwoyochena wenyu; mwoyo wangu unofarira ruponeso rwenyu.

⁶ Ndichaimbira TENZI nokuti akandiitira zvakanaka.