Mapisarema 11 - Bhaibhiri Idzva rechiShona rine Dhuterokanonika

Kumuimbisi wokwaDhavhidhi.

Chivimbo chavari pachokwadi

¹ Ndinopotera kuna Mwari ko ungagoti kwandiri sei “Bhururukira kumakomo okwenyu, kunge shiri

² nokuti tarisai muone kuti vakaipa vatotatamura uta hwavo; vatoisa museve wavo patambo kuti vapfure vakarurama murima.

³ Kana ugaro hwaparadzwa wakarurama angaitei?”

⁴ TENZI ari muTemberi yake inoera chigaro choumambo chaTENZI chiri kudenga maziso ake anoona, meso ake anoongorora vanhu.

⁵ TENZI anoedza vakarurama navakaipa asi anovenga wakaipa anoda utsinye.

⁶ Anonaisa pamusoro pavakaipa mazimbe omoto nesarufa, mhepo inopisa ndiyo ichava mugove womukombe wavanopiwa

⁷ nokuti TENZI akarurama, anoda kuita kwakarurama, vakarurama vachaona uso hwake.