Mapisarema 8 - Bhaibhiri Idzva rechiShona

Muimbisi, rumbo urwu rwaAsafu, rwunoimbwa maimbiro evokwaGati. Rumbo rwaDhavhidhi.

Ukuru ukuru hwezita raMwari nechiremera chomunhu

¹ TENZI Mwari wedu hakusi kukura ikoko kwakaita zita renyu pasi pose zvapo. Imi mune mbiri inorumbidzwa kumusoro kwamatenga

² nemiromo yavacheche neyepwere, makaisa chokuzvidzivirira nacho kumhandu dzenyu, kudzimura vavengi navatsividzi.

³ Ndikati tarisei zvangu kumatenga enyu, amakaita neminwe yenyu, mwedzi nenyenyedzi zvamakaisamo? Ndinoti:

⁴ “Munhu chiiwo zvake wamunorangarira, iye munhuwo zvake wamunochengeta

⁵ asi imi makatoita kuti munhu asiye paduku duku kuti ave saMwari. Muchimupa chiremba chembiri norukudzo.

⁶ Makaita kuti ave ndiye anotonga mabasa amaoko enyu, mukaisa zvinhu zvose pasi petsoka dzake,

⁷ zvose: hwai nemombe uyewo mhuka dzomusango

⁸ neshiri dzedenga nehove dzegungwa dzinofamba nomunzira dzomugungwa.

⁹ TENZI Mwari wedu hakusi kukura ikoko kwakaita zita renyu.”