Mapisarema 14 - Bhaibhiri Idzva rechiShona

Kumuimbisi waDhavhidhi.

Uipi hwavanhu

¹ Benzi rinoti nechomumwoyo, “Hakuna Mwari.” Vane tsika dzakaora; vanoita zvinhu zvinosemesa; hapana anoita zvakanaka.

² TENZI ari kudenga anotarisa pasi kuvanhu kuti aone kana pane vanoita zvino ungwaru; vanotsvaka Mwari.

³ Vose vakatetereka; vose vakangofanana; vane tsika dzakaora. Hapana anoita zvakanaka, kana mumwechete zvake.

⁴ “Havanzwisisi here, ivo vaiti vezvakaipa vose vanodya vanhu vangu sevanodya chingwa?” Havacheme kuna TENZI.

⁵ Ipapo vachabatwa nokutya kukuru nokuti Mwari ari pamwe nechizvarwa chavakarurama.

⁶ Imi munopongesa mazano omurombo asi TENZI ndiye diziro rake.

⁷ Dai ruponeso rweIsiraeri rwangobva kugomo reZioni. Kana TENZI ava kudzosa vaIsiraeri kuutapwa, vokwaJakobho vachapembera vokwaIsiraeri vachafara.