یونوس 1 - کتاب مقدس به زبان آذربایجانی جنوبی - نسخه ادبییونوسون چاغیریشی و ائطاعتسئزلئیی 1 ربّئن سؤزو اَمئتّهی اوغلو یونوسا نازئل اولدو: 2 «قالخ، نِینَوایا، او بؤیوک شهره گت و اونون ضئدّئنه جار چک، چونکی اوراداکیلارین پئسلئیی گلئب حوضوروما قدر چاتیبدیر.» 3 لاکئن یونوس قالخدی کی، ربّئن حوضوروندان تَرشئشه قاچسین. یافایا اِنئب تَرشئشه گِدن بئر گَمی تاپدی. یول حاقّینی ورئب اونا مئندی کی، ربّئن حوضوروندان اوزاقلاشیب اونلارلا تَرشئشه گتسئن. 4 رب دهنز اوستونده گوجلو کولَک قالدیردی، دهنزده بؤیوک بئر طوفان اولدو و گَمی آز قالا پارچالاناجاق ائدی. 5 گَمئچئلر قورخویا دوشوب هر بئری اؤز آللاهینی چاغیردی و گَمئده اولان یوکلری دهنزه آتدیلار کی، اونو یونگوللَشدئرسئنلر. آمّا یونوس گَمئنئن آشاغی حئصّهسئنه اِنمئشدی و اوزانیب بَرک یوخویا گتمئشدی. 6 گَمی ریئسی اونون یانینا گلئب ددی: «سن نه یاتیرسان؟ قالخ، اؤز آللاهینی چاغیر. بلکه آللاه بئزی یادا سالار و بئز محو اولماریق.» 7 گَمئچئلر بئربئرلرئنه ددئلر: «گلئن، پوشک آتاق، گؤرَک کئمه گؤره بو بلا باشیمیزا گلئب؟» پوشک آتدیلار و پوشک یونوسا دوشدو. 8 او زامان یونوسدان سوروشدولار: «بئزه دِه، باشیمیزا گلن بو بلا کئمه گؤرهدئر؟ سنئن صَنَتئن نهدئر؟ هارادان گلئرسن؟ وطنئن هارادیر؟ هانسی خالقدانسان؟» 9 یونوس جاواب وردی: «من عئبرانییَم. گؤیلرئن تاریسی ربّی پرستئش ادئرم کی، دهنزی و تورپاغی یارادان اودور.» 10 اونلار چوخ قورخدولار و اونا ددئلر: «سن بله بئر ائشی نجه اتدئن؟» چونکی بئلئردئلر کی، یونوس ائستهیئر ربدن اوزاقلاشسین. بونو اونلارا اؤزو نقل اتمئشدی. 11 دهنز داها جوشدوغونا گؤره، اونلار یونوسدان سوروشدولار: «سنئنله نه اِدَک کی، دهنز قاباغیمیزدا ساکئتلَشسئن؟» 12 یونوس اونلارا ددی: «منی گؤتوروب دهنزه آتین. اوندا دهنز قاباغینیزدا ساکئتلهشَر، چونکی بئلئرم، بو بؤیوک طوفان منه گؤره سئزئن باشینیزا گلئب.» 13 لاکئن گَمئچئلر ساحئله یان آلماق اوچون سَعیله آوار چکدئلر، آمّا باجارمادیلار. چونکی دهنز اونلارین ضئدّئنه داها دا جوشوردو. 14 او واخت اونلار ربّه فریاد ادئب ددئلر: «یارب، سنه یالواریریق، قویما بو آدامین جانیندان اؤتری محو اولاق. گوناهسیز قانی دا اوستوموزه قویما! چونکی سن، یارب، اؤز ائستهدئیئنی ادئبسن.» 15 بلهجه اونلار یونوسو گؤتوروب دهنزه آتدیلار و دهنز اؤز جوشماسیندان دوشدو. 16 او واخت آداملار ربدن چوخ قورخدولار و ربّه قوربان تقدئم ادئب نذرلر اتدئلر. 17 رب بؤیوک بئر بالیق یتئردی کی، یونوسو اودسون. و یونوس اوچ گون-اوچ گجه بالیغین قارنیندا قالدی. |
@ 2022 Korpu Company