۱سمویئل 1 - کتاب مقدس به زبان آذربایجانی جنوبی - نسخه ادبیسمویئلئن دوغولماسی 1 اِفرایئمئن داغلیق بؤلگهسئنده یِرلَشَن رامهتهیئمصوفئم شهرئنده اِلقانا آدلی بئر آدام یاشاییردی؛ او صوف اوغلو توخو اوغلو اِلئهو اوغلو یِروخام اوغلو بئر اِفرایئملی ائدی. 2 اِلقانانین خَنّا و پِنئنّا آدیندا ائکی آروادی وار ائدی. پِنئنّانین اوشاقلاری وار ائدی، آمّا خَنّانین اؤولادی یوخ ائدی. 3 اِلقانا هر ائل اؤز شهرئندن شئلوها گِدَردی کی، قوشونلار ربّئنه پرستئش ادئب قوربان کَسسئن. عِلینئن خوفنی و پئنِخاس آدلی ائکی اوغلو اورادا ربّئن کاهئنلری ائدئلر. 4 اِلقانا قوربان کسئلن گون آروادی پِنئنّایا، و اونون اوغوللار و قیزلارینین هامیسینا پای وِرَردی. 5 لاکئن خَنّایا ائکی قات پای وِرَردی، چونکی اونو سِوئردی، آمّا رب اونون بطنئنی باغلامیشدی. 6 گونوسو پِنئنّا همئشه خَنّایا ساتاشیردی کی، اونو ائنجئتسئن. چونکی خَنّانین بطنی رب طرفئندن باغلانمیشدی. 7 بو، ائللر بله داوام ادئردی. خَنّا هر دفه ربّئن اِوئنه گِدنده، گونوسو اونا سؤز آتاردی؛ خَنّا دا آغلاییب یمک یِمَزدی. 8 بئر گون اَری اِلقانا اوندان سوروشدو: «خَنّا، نئیه آغلاییرسان؟ نئیه یمک یمئرسن؟ آخی اورهیئن نئیه قوصّهلیدئر؟ مگر من سنه اون اوغولدان دا آرتیق دیئلم؟» 9 اونلار شئلودا یِیئب-ائچَندن سونرا خَنّا آیاغا قالخدی. کاهئن عِلی ربّئن معبدئنئن قاپی آستاناسینین یانینداکی کورسوده اوتورموشدو. 10 خَنّا اورَک یانیغی ائله ربّه دوعا ادئب آجی-آجی آغلادی. 11 ربّه نذر ادئب ددی: «ای قوشونلارین ربّی، اگر اؤز کنئزئنئن ذلئللئیئنی گؤرهسن، منی یادا سالیب، یاددان چیخارتمایاسان، منه بئر اوغول ورهسن، من ده اونون بوتون حیات گونلرئنی سنه وقف ادئب، قویمارام کی، اونون باشینا اولگوج دَیسئن.» 12 خَنّا ربّئن حوضوروندا دوعاسینا داوام وِرَرکَن، عِلی اونون آغزینا باخیردی. 13 خَنّا قلبئنده یالواردیغی اوچون فقط دوداقلاری تَرپهنئردی، سَسی اشئدئلمئردی. اونا گؤره ده، عِلی اله گومان اتدی کی، او، کفلئدئر. 14 عِلی اونا ددی: «نه واختا قدر کفلئلئک ادهجکسن؟ بسدئر، آت بو شرابی.» 15 لاکئن خَنّا جاوابیندا ددی: «خیر، آغام، من نه شراب ائچمئشم، نه ده کفلَندئرئجی آیری بئر ائچکی. روحونو قَم باسمیش بئر آروادام کی، اورهیئمی آنجاق ربّئن حوضوروندا بوشالدیرام. 16 کنئزئنی یاراماز آرواد سانما. بو یالواریشیم، ائندئیهجک چکدئیئم بؤیوک اورَک یوکو و اذئیّته گؤرهدئر.» 17 عِلی جاواب ورئب ددی: «سالامات گت، قوی ائسرایئلئن تاریسی سنی مورادینا چاتدیرسین!» 18 خَنّا ددی: «قوی کنئزئن سنئن گؤزونده لوطف تاپسین.» بلهجه آرواد یولو ائله گتدی و یمک یدی. آرتیق سئماسی قَملی دیئلدی. 19 او گونون صاباحی اونلار سحر تزدن قالخیب ربّئن حوضوروندا پرستئش اتدئلر و گئنه راماداکی اِولرئنه قاییتدیلار. اِلقانا آروادی خَنّا ائله یاخینلیق اتدی و رب خَنّانی یادا سالدی. 20 واخت کچدی، خَنّا بویلو اولوب بئر اوغول دوغدو. «اونو ربدن آرزو اتدئم» دیئب آدینی سمویئل قویدو. خَنّانین سمویئلی تارییا وقف اتمهسی 21 سونرا اِلقانا بوتون اِو اهلی ائله شئلوها گتدی کی، ربّه ائلّئک قوربانینی و نذرئنی یرئنه یتئرسئن. 22 آمّا خَنّا گتمهدی، اَرئنه ددی: «کؤرپهنی سوددن کَسندن سونرا گتئرهرم کی، ربّئن خئدمتئنه گئرسئن و عؤمرو بویو اورادا قالسین.» 23 اَری اِلقانا اونا ددی: «گؤزونده نه خوشدور، اله ده ات، اونو سوددن آییرانا قدر اِوده قال؛ قوی رب اؤز سؤزونو تصدئق اتسئن.» بلهجه آرواد اِوده قالیب اوغلونو سوددن آییرانا قدر اَمئزدئردی. 24 اوشاغی سوددن آییراندان سونرا خَنّا اونو اوچ یاشیندا بئر گامیش، بئر اِفا اون و بئر تولوق شرابلا بئرلئکده ربّئن شئلوداکی اِوئنه آپاردی، گرچی اوشاق حله بالاجا ائدی. 25 گامیشی کَسندن سونرا اوشاغی عِلینئن یانینا گتئردئلر. 26 خَنّا ددی: «ای آغام، سنئن جانین حاقّی، ای آغام، من هَمَن او آروادام کی، بورادا، سنئن یانیندا دوروب ربّه یالواردیم. 27 یالواریشیم بو اوشاق اوچون ائدی و رب مورادیمی یرئنه یتئردی. 28 من اونو ربّه وقف اتمئشم؛ عؤمرو بویو ربّه وقف اولونوب.» اوشاق اورادا ربّه پرستئش اتدی. |
@ 2022 Korpu Company