Fa‘ata‘oto 14 - O LE TUSI PA'IA - Ekalesia Katoliko Roma

¹ E ta‘itasi uma, fafine popoto ma atiina a‘e lona fale; a o le fafine valea na te lepetia ai i ona lima.

² O lo‘o savali i lana amiotonu lē ‘ua mata‘u i le ALI‘I; ‘ae fa‘api‘opi‘o ona ala lē ‘ua ‘ino‘ino ‘iā te ia.

³ O lo‘o i le gutu o le vale le sasa o le fa‘amaualuga; a o laugutu o ē popoto e leoleoina ai i latou.

⁴ A leai ni povi, ‘ua mamā le fale povi; ‘ae tele mea e maua mai i le malosi o le povi.

⁵ O le molimau fa‘amaoni, e le pepelo ia; a o le molimau pepelo, o le tala pepelo ia.

⁶ E sā‘ili le poto e le tagata tauemu, ‘ae lē maua; ‘ae faigofie le poto i lē ‘ua lagona.

⁷ Alu ‘ese ia a‘i luma o le tagata valea, pe a e lē iloa ‘iā te ia laugutu o le poto.

⁸ O le poto o le tagata mafaufau, o le fa‘autauta lea i lona ala; a o le valea o ē vālelea, e pepelo lea.

⁹ E tauemu o ē vālelea i le agasala; a o fealofani ē ‘ua amio sa‘o.

¹⁰ ‘Ua iloa e le loto lona lava tigā; e le ‘aiā fo‘i le tagata ‘ese i lona ‘oli‘oli.

¹¹ E fa‘aumatia le fale o ē amio leaga; a o le fale ‘ie o ē amio sa‘o, e uluola ia.

¹² O i ai le ala ‘ua tonu i le manatu o le tagata; a o lona taunu‘uga, o ala ia e oti ai.

¹³ A o ‘ata‘ata lava, ‘ua fa‘anoanoa le loto; o le i‘uga fo‘i o le ‘oli‘oli, o le fa‘anoanoa lea.

¹⁴ O lē ‘ua tu‘umuli i lona loto, e mā‘ona o ia i ona lava ala; a o le tagata amio lelei, e mā‘ona o ia a‘i ona lava ala.

¹⁵ O lē ‘ua faigofie, e talia e ia ‘upu uma; a o le ‘ua mafaufau, ‘ua fa‘autauta o ia i lona ala.

¹⁶ ‘Ua mata‘u le tagata poto ma ‘alo ‘ese i le leaga; a o le vale ‘ua fa‘amaualuga o ia ma nofo fa‘atalanoa.

¹⁷ O le itagofie ‘ua amio fa‘avalea o ia; o le tagata fo‘i ‘ua fai togafiti leaga, ‘ua ‘inosia o ia.

¹⁸ O ē faigofie, e fai mo latou tofi le valea; a o ē mafaufau, e fa‘apaleina i latou i le poto.

¹⁹ ‘Ua ifo ē ‘ua amio leaga i luma o ē amio lelei; ma ē agasala, ‘ua ifo i latou i faitoto‘a o lē amiotonu.

²⁰ ‘Ua ‘inosia lē ‘ua mativa i lē la te tuā‘oi; ‘ae to‘atele o ē alolofa i le mau‘oa.

²¹ O lē ‘ino‘ino i lē la te tuā‘oi, ‘ua agasala o ia; a o lē alofa i ē ‘ua tigāina, ‘amu‘ia lava o ia.

²² E lē ‘ua sesē ‘ea o ē fai togafiti leaga? A o i ai le alofa ma le fa‘amaoni i ē fai togafiti lelei.

²³ O i ai le mau i galuega uma; a o le ‘upu a laugutu, na o le mativa e i‘u i ai.

²⁴ O le pale o ē popoto, o la latou ‘oloa lea; a o le valea o ē vālelea, o le valea lava lea.

²⁵ E lavea‘iina tagata o le molimau fa‘amaoni; a o le molimau pepelo, e tautala o ia i mea pepelo.

²⁶ O lē mata‘u i le ALI‘I, o i ai le fa‘atuatuaga malosi; o i ai fo‘i le malu mo lana fānau.

²⁷ O lē mata‘u i le ALI‘I, o le puna o le ola lea, e ‘alo ‘ese ai i mailei e oti ai.

²⁸ O le to‘atele o le nu‘u, o i ai le mamalu o le tupu; a o le ausage, e i ai le malaia o le ali‘i.

²⁹ O lē ‘ua fa‘ato‘ato‘a, e tele lona mafaufau; a o le ‘ua itagofie, e fa‘aeaina i luga e ia le valea.

³⁰ O le loto lelei, o le ola lea o le tino; a o le matau‘a, o le mea lea e pala ai ivi.

³¹ O lē ‘ua fa‘asauā, i le tagata mativa, e fa‘alumaina e ia Lē na faia o ia; a o lē ‘ua āva ‘iā te ia, ‘ua alofa o ia i le tagata mativa.

³² ‘Ua tulia lē amio leaga i lona lava leaga; a o lē amiotonu, e ‘iā te ia le fa‘atuatua pe a oti o ia.

³³ O lo‘o nofo mau le poto i le loto o lē ‘ua mafaufau; a o mea, ‘ua i totonu o ē vālelea e fa‘ailoaina.

³⁴ O le amiotonu e vi‘ia ai le nu‘u; a o le agasala, o le luma lea o le nu‘u.

³⁵ O le alofa o le tupu, o lo‘o i ai i le ‘au‘auna poto; a o lona to‘asā, o lo‘o i ai lea i lē e tupu ai le mā.