LÜHIN 1 - KENSHÜN LESÜ Naga (S) CL Bible (BSI)

LESÜ NME Shekerhün Ketsin

¹ Serikemvunyu kendo then hü kemvu, nmvu-e kemunyu tson nyu hü kemvu, nmvu-e me süjünkemvunyu dan nyu hü kemvunyu le a-phukengvünyu.

² Ai Npugü jvugü nyu a-kenyü, lo tsangben tsangzün Npugü jo rüchün bin kehünyu le a-phukengvünyu.

³ A-le züriseka senbin sen pe bin kenjü hontse, gwünkho toka nsha shü hünyo, lo a-nyüle rügula hü mvu. A-le nyuthyü yo a-tho aphu gwakenyelo hünyo.

⁴ Ai serikemvu ju we tsühontse mvu; tsangkenbu le whünsen tinla kehü shyebün hontse.

⁵ Tsügenyu serikemvunyu le Sunggigü le nkhin lati, lo kemu nyule kentsennyu zen kekho lati.

⁶ Npugü le kemitsinyu tson sha bin nyo, ai serikemvunyu tson we nkela nrün genyu.