SHƐZUNGA TUZUNGANGANA AGWANGWAMA 1 - UTAKADA TIJILO

UTAKADA UHIIŊ 1—41 Unyasa Tugom ụ Bụtụ ba Agwatana

¹ Bụtụ na zhe shi tahaŋnu na ahaŋsa na ogworozwo a pana bụ, na kaa 'wa sụ iyi nɛ atwa iwɛwɛ a nda, na kaa momo togwu su na anjɛ-a-sada gwoje.

² Ama ba nda unyasa nu Undwa wa AGWANGWAMA, baa ta kaa aza ubwa tu uwaŋna tụ ụjuta.

³ Bɛ shɛ gana ụ'wụ'wụ na aa bɛrɛ ni ipɛlu meni unaa na wa 'wala na aka na teni cɛŋ, Ambɛ ubwa zha shɛ o hwotono, iyi elele nɛ baa nda kaa ya zhɛmana bụ.

⁴ Ogworozwo shɛ shɛ gana ata o, ama a shɛ gana afwụrɛkɛcɛ anaa na uvwugo wo sugo.

⁵ Iwɛbɛ po n-ndumwa mi zha shɛ ma zhɛma ogworozwo nu ụjita ụshɛrɛya, atwa iwɛwɛ kaa zha shɛ o tono na tu'ulwa ta atwa tiririri o.

⁶ AGWANGWAMA mepi gana na maa bu na jilanɛ atwa tiririri, ama uhwaŋna na ogworozwo to zhɛ wo sugo aŋ nu ufwu tɛnda.