Mataio 1 - A Buk 1896 (Bible Portions)

1. PAKANA.

¹ A buk u diat a tara mukamuka a nun Iesu Karisito, na tun David, na tun Abaram.

² Abaram, na tunalik Isaak; Isaak, na tunalik Iakob; Iakob na tunalik Iuda ma ra kum tetenaliklik;

³ Iuda, a ru na tunalik Fares ma Sara, a nadiara Tamar; Fares, na tunalik Esrom; Esrom, na tunalik Aram;

⁴ Aram, na tunalik Aminidab; Aminidab, na tunalik Naason; Naason, na tunalik Salmon;

⁵ Salmon, na tunalik Boas, a nana Raab; Boas na tunalik Obed, a nana Rut; Obed, na tunalik Iesai;

⁶ Iesai, na tunalik David a tui. David, na tunalik Solomon, a nana ia ba diara taula pa mun ma Uria;

⁷ Solomon, na tunalik Roboam; Roboam, na tunalik Abia; Abia, na tunalik Asa;

⁸ Asa na tunalik Iosafat; Iosafat, na tunalik Ioram; Ioram, na tunalik Oseia;

⁹ Oseia, na tunalik Ioatam; Ioatam, na tunalik Akas; Akas, na tunalik Esekia;

¹⁰ Esekia, na tunalik Manase; Manase, na tunalik Amon; Amon, na tunalik Ioseia;

¹¹ Ioseia, na tunalik Iekonia ma ra kum tetenaliklik, di buta diat u ra pupukai kuma diat wan na waira uni u Babulon.

¹² Ba diat wan na waira u Babulon, na muru di buta Salatiel na tun Iekonia; Salatiel, na tunalik Sorobabel;

¹³ Sorobabel, na tunalik Abiud; Abiud, na tunalik Eliakim; Eliakim, na tunalik Asor;

¹⁴ Asor, na tunalik Sadok; Sadok, na tunalik Akeim; Akeim, na tunalik Eliud;

¹⁵ Eliud, na tunalik Eliasar; Eliasar, na tunalik Matan; Matan, na tunalik Iakob;

¹⁶ Iakob, na tunalik Iosefa, ia ba diara taula ma Maria, ia kuma i buta Iesu, di patapai a yana bulug Karisito.

¹⁷ A kum tauntara rap kon Abaram korom David a winunu ma watdi ku diat; ma kon David u ra wan na waira u Babulon a winunu ma watdi a tauntara bulug; ma ko ra wan na waira u Babulon korom Karisito a winunu ma watdi a tauntara bulug.

¹⁸ Di buta Iesu Karisito lenkumi: Ba Maria nana a petwebat a nun Iosefa ma pa diara taula utbai di boboi lena i kipbala ko ra Niono Tabu.

¹⁹ A tenapetoduru Iosefa a nuna muana, ma pa i ligna pira‐wearua i, i lena in petpuku‐inc rua i ku.

²⁰ Ba i nunuk kubai u ra lig kuma, i beronopa ta agelo a nu ra Tadaru, kuma i piri tana lenkumi: Iosefa na tun David, un benpa a num tebuan Maria, ma koniku burut uni: kuma a lig kuma i kipbalapai ko ra Niono Tabu ia.

²¹ Kura in bubuta na tunalik a muana; ma un patapai a yana Iesu; kuma ia ku in walaun diat a nuna tara ko ra nudiat petakakai.

²² Di pet a lig rap kumi ba in wewaot uni a pirapira a nu ra Tadaru a parofita i wapuamukatau uni, lenkumi;

²³ Boboi, ra taurara kura in kipbala, ma in buta na tunalik a muana, ma din patapai a yana Imanuel, a pipilaina, Nara na liwan ta dat.

²⁴ Ma Iosefa ba i tawagun balet ko ra ininep, i pet lenkuma a agelo a nu ra Tadaru i tula i uni, ma i benpa a nuna tebuan;

²⁵ ma pa i nunura i un ta pupukai kuma i a butai uni na tunalik a muana; ma i patapai a yana Iesu.